ഇന്ന് ലാലിഗയിൽ നടന്ന മത്സരത്തിൽ തകർപ്പൻ ജയമാണ് ബാഴ്സിലോണ കരസ്ഥമാക്കിയത്. എൽ ക്ലാസിക്കോ മത്സരത്തിൽ എതിരില്ലാത്ത നാല് ഗോളുകൾക്കാണ് അവർ റയൽ മാഡ്രിഡിനെ പരാജയപ്പെടുത്തിയത്. ബാഴ്സയ്ക്ക് വേണ്ടി ലെവന്റോസ്ക്കി ഇരട്ട ഗോളുകൾ നേടി മിന്നും പ്രകടനമാണ് ടീമിന് വേണ്ടി കാഴ്ച വെച്ചത്. കൂടാതെ റാഫിഞ്ഞ, യമാൽ എന്നിവർ ഓരോ ഗോളുകൾ വീതം നേടി. സ്വന്തം മൈതാനത്ത് വെച്ചാണ് റയൽ മാഡ്രിഡ് അവരോട് പരാജയപ്പെട്ടത്. അത് ആരാധകർക്കിടയിൽ വൻ വിമർശനത്തിന് വഴിയൊരുക്കിയിട്ടുണ്ട്.
ബാഴ്സ ഗോൾ നേടിയതിന് പിന്നാലെ റയൽ മാഡ്രിഡ് പരിശീലകനായ കാർലോ അഞ്ചലോട്ടിയും ഹാൻസി ഫ്ലിക്കും തമ്മിൽ ഉടക്കിയിരുന്നു. എന്താണ് അവർക്കിടയിൽ സംഭവിച്ചത് എന്ന് മത്സര ശേഷം റയൽ പരിശീലകൻ പറഞ്ഞു.
കാർലോ അഞ്ചലോട്ടി പറയുന്നത് ഇങ്ങനെ:
“ഫ്ലിക്കുമായി പ്രശ്നങ്ങൾ ഒന്നുമില്ല. അദ്ദേഹത്തിന്റെ അസിസ്റ്റന്റ്മാരിൽ ഒരാൾ മാന്യമായ രൂപത്തിൽ അല്ല സെലിബ്രേഷൻ നടത്തിയിട്ടുള്ളത്. അത് അദ്ദേഹത്തോട് പറയുക മാത്രമാണ് ചെയ്തിട്ടുള്ളത്. അത് അദ്ദേഹം അംഗീകരിക്കുകയും ചെയ്തിട്ടുണ്ട് “ കാർലോ അഞ്ചലോട്ടി പറഞ്ഞു.
കുറച്ച് ദിവസങ്ങൾക്ക് മുൻപാണ് ബാഴ്സിലോണ ബയേൺ മ്യുണിക്കിനെ പരാജയപ്പെടുത്തിയത്. ഇതോടെ ലാലിഗയിലെ കരുത്തരായ എല്ലാ ടീമുകളെയും അവർ തോല്പിച്ച് ഒന്നാം സ്ഥാനം നിലനിർത്തി. പരിശീലകനായ ഹാൻസി ഫലിക്കിന്റെ കീഴിൽ തകർപ്പൻ പ്രകടനമാണ് ബാഴ്സിലോണ നടത്തുന്നത്.