മാരക്കാനയിൽ അർജന്റീനയോട് 1-0 ന് ബ്രസീലിന്റെ തോൽവിയിൽ ലിയോ മെസിയുമായി മകൻ ഏറ്റുമുട്ടിയതിനെക്കുറിച്ച് റോഡ്രിഗോയുടെ പിതാവ് എറിക് ഗോസ് നിരവധി വിവാദ പരാമർശങ്ങൾ നടത്തി. മരക്കാനയിൽ ബ്രസീലിനെതിരെ തന്റെ ടീംഫിഫ ലോകകപ്പ് യോഗ്യത മത്സരത്തിൽ വിജയിച്ചതിന് പിന്നാലെ ചർച്ച ആയത് മത്സരത്തിലെ ആവേശത്തെക്കാൾ ഉപരി ഗാലറിയിൽ നടന്ന തമ്മിലടിയുടെ പേരിൽ വാർത്തകളിൽ ഇടം പിടിച്ചു. 63ാം മിനിറ്റിൽ ബുള്ളറ്റ് ഹെഡറിലൂടെ ഒറ്റമെൻഡിയാണ് അർജന്റീനയുടെ വിജയഗോൾ നേടിയത്. ഇത് ബ്രസീലിന്റെ യോഗ്യത മത്സരത്തിലെ തുടർച്ചയായ മൂന്നാം ഹോൾവിയാണ്. പരാജയം അവരെ പോയിന്റ് പട്ടികയിൽ ആറാം സ്ഥാനത്ത് എത്തിച്ചപ്പോൾ അര്ജന്റീന ഒന്നാം സ്ഥാനത്ത് തുടരുന്നു.
നിരവധി അർജന്റീനിയൻ കളിക്കാർക്ക് ബ്രസീലിയൻ പോലീസ് ഉദ്യോഗസ്ഥരുടെ അടുത്ത് നിന്ന് ഉപദ്രവം ഏറ്റുവാങ്ങേണ്ടതായി വന്നു. ഇതിന് എതിരെ അര്ജന്റീന താറങ്ങൾ പ്രതിഷേധിച്ചിരുന്നു. അര്ജന്റീന താരങ്ങൾ ശക്തമായ ഭാക്ഷയിൽ ഇതിന് എതിരെ രംഗത്ത് വന്നപ്പോൾ മെസിയെ കളിയാക്കുകയാണ് റോഡ്രിഗോയുടെ പിതാവ്.
“ആരുമായും പ്രശ്‌നമുണ്ടാക്കാത്ത വിശുദ്ധൻ? ശരിക്കും ആരെങ്കിലും അത്ഭുതപ്പെട്ടോ?” മെസ്സിയെ പരാമർശിച്ച് റോഡ്രിഗോയുടെ പിതാവ് ഇൻസ്റ്റഗ്രാമിൽ പരിഹാസരൂപേണ പോസ്റ്റ് ചെയ്തു. തന്റെ മകനുമായുള്ള മെസ്സിയുടെ ഏറ്റുമുട്ടലിനെയും കൂടാതെ അടുത്തിടെ ഉറുഗ്വേൻ കളിക്കാരുമായി മെസിയും കൂട്ടരും ഏറ്റുമുട്ടിയിരുന്നു.
ആ അവസരത്തിൽ ഒലിവേരയുമായി നേരത്തെ വഴക്കുണ്ടാക്കിയ റോഡ്രിഗോ ഡി പോളിനെ പ്രതിരോധിക്കാൻ മത്യാസ് ഒലിവേരയെ കഴുത്തിന് പിടിച്ച് മെസി വാർത്തകളിൽ നിറഞ്ഞു. അന്നത്തെ സംഭവത്തിൽ സ്വയം ന്യായീകരിച്ച് ഉറുഗ്വേൻ താരങ്ങളെ മെസി കുറ്റപ്പെടുത്തുകയും ചെയ്തിരുന്നു.