ഏഷ്യന് ഫുട്ബോള് ക്ലബ്ബുകളില് ഏറ്റവുമധികം ഇന്സ്റ്റഗ്രാം ഫോളോവേഴ്സുള്ള ക്ലബ്ബുകളിലൊന്നായ കേരള ബ്ലാസ്റ്റേഴ്സിനെ മറികടന്ന് സൗദി ക്ലബ്ബ് അല് നസര്. പോര്ച്ചുഗല് സൂപ്പര് താരം ക്രിസ്റ്റ്യാനോ റൊണോഡോ ക്ലബ്ബുമായി കരാറിലായതോടെയാണ് ഇത്.
39 ലക്ഷം ഫോളോവേഴ്സാണ് അല് നസിറിന് ഇതുവരെ ആയിട്ടുള്ളത്. താരം ക്ലബില് ചേര്ന്ന വാര്ത്തകള് ഔദ്യോഗികമായി പുറത്തുവിടുമ്പോള് അല് നസറിന്റെ ഇന്സ്റ്റഗ്രാം അക്കൗണ്ടില് 8.60 ലക്ഷം ഫോളോവര്മാരായിരുന്നു ഉണ്ടായിരുന്നത്. പ്രഖ്യാപനത്തിനുശേഷം ഇത് കുതിച്ചുയരുകയായിരുന്നു.
ഫെയ്സ്ബുക്കിലും ട്വിറ്ററിലുമെല്ലാം സമാനമായ കുതിപ്പുണ്ടായിട്ടുണ്ട്. ഫെയ്സ്ബുക്ക് അക്കൗണ്ടില് ഫോളോവര്മാരുടെ എണ്ണം 1.74 ലക്ഷത്തില്നിന്ന് ഒറ്റയടിക്ക് 6.91 ലക്ഷം ആയാണ് ഉയര്ന്നിരിക്കുന്നത്. അതേസമയം, ട്വിറ്ററില് ഇന്നലെ പ്രഖ്യാപനത്തിനു തൊട്ടുമുന്പ് 90,000 ഫോളോവര്മാരാണ് ഉണ്ടായിരുന്നത്. 4.59 ലക്ഷമാണ് ഇപ്പോഴുള്ളത്.
ചരിത്രത്തിലെ ഏറ്റവും വലിയ തുകക്കാണ് ക്രിസ്റ്റ്യാനോ അല് നസറുമായി കരാര് ഒപ്പിട്ടിരിക്കുന്നത്. പരസ്യവരുമാനമടക്കം 200 മില്യണ് ഡോളര് (ഏകദേശം 1770 കോടി രൂപ) വാര്ഷിക വരുമാനത്തോടെ രണ്ടര വര്ഷത്തേക്കാണ് കരാര്. ഇതോടെ സോഷ്യല് മീഡിയയിലുടനീളം അല് നസര് ആണ് ട്രെന്ഡിംഗില്.