ഹരികൃഷ്ണന് ബി
ആഫ്രിക്കന് വന്കരയിലെ രാജ്യങ്ങള് ഏറ്റുമുട്ടുന്ന ഫുട്ബോള് മാമാങ്കം ആഫ്രിക്ക കപ്പ് ഓഫ് നേഷന്സിന് ഇന്ന് തുടക്കമാകും. 1957ല് തുടക്കമിട്ട ടൂര്ണമെന്റ് നിലവില് രണ്ടു വര്ഷം കൂടുമ്പോഴാണ് നടക്കുന്നത്. നിലവിലെ ജേതാക്കള് റിയാദ് മഹ്റെസ് മുന്നില് നിന്ന് നയിക്കുന്ന ഫെന്നേക്ക് ഫോക്സസ് എന്ന ഓമനപ്പേരില് അറിയപ്പെടുന്ന അള്ജീരിയ ആണ്.
ക്യാമറൂണിന്റെ ഇതിഹാസതാരം സാമൂവല് ഏറ്റോ ആണ് കോമ്പറ്റിഷന്റെ ചരിത്രത്തിലെ മികച്ച ഗോള് വേട്ടക്കാരന്. ഈ വര്ഷം കോമ്പറ്റിഷന്റെ മുപ്പത്തിമൂന്നാം പതിപ്പാണ് ഇന്ന് ആരംഭിക്കുന്നത്. കാമറൂണ് മണ്ണില് പന്തുരുളുന്ന പതിപ്പിന്റെ ഫൈനല് ഫെബ്രുവരി ആറാം തിയതിയാണ്.
ഇത്തവണ 24 രാജ്യങ്ങളാണ് യോഗ്യത നേടിയത്.നാല് ടീമുകള് വീതം ആറു ഗ്രൂപ്പുകളിലേക് അവരെ തിരിച്ചിട്ടുണ്ട്. ഓരോ ഗ്രൂപ്പിലെയും ആദ്യ രണ്ട് സ്ഥാനക്കാര് നോക്ക് ഔട്ട് റൗണ്ടിലേക് കടക്കും.മൂന്നാം സ്ഥാനത്തു ഫിനിഷ് ചെയുന്ന മികച്ച നാല് രാജ്യങ്ങള് കൂടി റൗണ്ട് ഓഫ് 16ലേക്ക് യോഗ്യത നേടും.
ടൂര്ണമെന്റില് പങ്കെടുക്കുന്ന താരങ്ങളില് 54 കളിക്കാര് ഫ്രാന്സിന്റെ ഒന്നാം ഡിവിഷനില് വിവിധ ക്ലബ്ബുകള്ക്ക് വേണ്ടി ബൂട്ട് കെട്ടുന്നവരാണ്.40 പേര് നൈജീരിയ ഫസ്റ്റ് ഡിവിഷനും,31 പേര് ഇംഗ്ലീഷ് പ്രീമിയര് ലീഗിലെ താരങ്ങളും.
ട്രാന്സ്ഫര്മാര്കെറ്റ് പ്രകാരം ടൂര്ണമെന്റിലെ ഏറ്റവും വിലയേറിയ മൂന്നു താരങ്ങള് ഇവരാണ് – ലിവര്പൂള് ഫുട്ബോള് ക്ലബ്ബിന്റെ മുഹമ്മദ് സാല (ഈജിപ്റ്റ്), സാദിയൊ മാനെ (സെനഗല്), പാരിസ് സാന് ജര്മന്റെ അഷ്റഫ് ഹക്കീമി (മൊറൊക്കോ).
സ്ക്വാഡ് മൂല്യം നോക്കുമ്പോള്
1) സെനഗല് – £308 m
2) ഐവറി കോസ്റ്റ് – £275m
3) നൈഗീരിയ – £221m
എഡ്വാര്ഡ് മെന്ഡി, സാല, മാനെ, റിയാദ് മഹ്റെസ്,ഹകീമി, കൂലിബാലി,ഡിയല്ലോ, കോര്നെ, സാഹ, ടാപ്സോബ, കേസ്സിയെ, എന്ഡിടി, ട്രെയൊരെ, എന് നെയ്സ്രി, തോമസ് പാര്ടി, കീറ്റ, ഹാള്ളര്,ബിസൂമ, ബെന്റഹ്മ, ഹൈദാര എന്നീ താരങ്ങളും അതാത് നാഷണല് ടീമുകള്ക് വേണ്ടി കളത്തിലിറങ്ങും.
കടപ്പാട്: സ്പോര്ട്സ് പാരഡിസോ ക്ലബ്