കേരളാ ബ്ലാസ്റ്റേഴ്സുമായുള്ള കരാര് പുതുക്കി ക്ലബ്ബിന്റെ ക്യാപ്റ്റന് അഡ്രിയാന് ലൂണ. ക്ലബിന് വേണ്ടി ഏറ്റവും കൂടുതല് മത്സരങ്ങള് കളിച്ച വിദേശ താരമാണ് അഡ്രിയാന് ലൂണ. 2027 വരെയാണ് ക്ലബ്ബുമായുള്ള കരാര് താരം നീട്ടിയത്.
കഴിഞ്ഞ മൂന്നു സീസണുകളില് ക്ലബിനൊപ്പം ഉണ്ടായിരുന്ന അഡ്രിയാന് ലൂണ മൈതാനത്തിനകത്തും പുറത്തും ക്ലബിന് വേണ്ടി അസാധാരണമായ പ്രകടനവും നേതൃത്വപാടവവും അര്പ്പണബോധവും പ്രകടിപ്പിച്ചിട്ടുണ്ട്. അദ്ദേഹത്തിന്റെ ശ്രദ്ധേയമായ പ്രകടനങ്ങള് ആരാധകരുടെ പ്രശംസ നേടിയെടുക്കുക മാത്രമല്ല, ഇന്ത്യന് സൂപ്പര് ലീഗിലെ പ്രധാന കളിക്കാരനെന്ന പദവി നേടി കൊടുക്കുകയും ചെയ്തു.
ലൂണയുടെ കരാര് നീട്ടിയതിലൂടെ ശക്തവും സുസ്ഥിരവുമായ അടിത്തറ കെട്ടിപ്പടുക്കാനുള്ള ക്ലബ്ബിന്റെ ലക്ഷ്യത്തെയാണ് ചൂണ്ടിക്കാണിക്കുന്നത്. കേരള ബ്ലാസ്റ്റേഴ്സ് എഫ്സിയെ ലീഗില് മുന്നോട്ട് കൊണ്ടുപോകാന് സഹായിക്കുന്നതില് അദ്ദേഹം നിര്ണായക പങ്ക് വഹിക്കുമെന്ന് ക്ലബ്ബിന് ആത്മവിശ്വാസമുണ്ട്.
കേരള ബ്ലാസ്റ്റേഴ്സ് എഫ്സി അഡ്രിയാന് ലൂണയ്ക്കൊപ്പം അവിസ്മരണീയമായ നിരവധി നിമിഷങ്ങള്ക്കായി കാത്തിരിക്കുന്നു, അദ്ദേഹത്തിന്റെ സാന്നിധ്യം ക്ലബ്ബിന്റെ വിജയത്തിന് സഹായിക്കുമെന്ന് ആത്മവിശ്വാസമുണ്ടെന്ന് ക്ലബ് ഔദ്യോഗികമായി അറിയിച്ചു.