ഫുട്ബോളിലെ രാജാവ് ആരാണെന്ന് ചോദിച്ചാൽ ആരാധകർ ഒരേ സ്വരത്തിൽ പറയുന്ന പേരാണ് ലയണൽ മെസി. ഫുട്ബാളിൽ അദ്ദേഹം ഇനി നേടാനും തെളിയിക്കാനും ഒന്നും തന്നെയില്ല. കഴിഞ്ഞ അഞ്ച് വർഷം കൊണ്ട് മെസി ഫുട്ബാളിൽ നേടാനായി ഇനി ഒരു ട്രോഫി പോലും ബാക്കിയില്ല. അന്താരാഷ്ട്ര മത്സരങ്ങളിലും ക്ലബ് മത്സരങ്ങളിലും നിലവിൽ തകർപ്പൻ പ്രകടനമാണ് താരം കാഴ്ച വെക്കുന്നത്.
പുലിക്ക് പിറന്നത് പൂച്ചക്കുട്ടി ആകില്ലല്ലോ എന്ന് പറയുന്നത് പോലെ ലയണൽ മെസിയുടെ മകനും അച്ഛൻ സഞ്ചരിച്ച വഴിയിലൂടെ സഞ്ചരിച്ച് ഇതിഹാസമാകാനുള്ള തയ്യാറെടുപ്പിലാണ്. ഇന്റർ മിയാമിക്ക് വേണ്ടി അണ്ടർ 13 കാറ്റഗറിയിൽ തകർപ്പൻ പ്രകടനമാണ് തിയാഗോ മെസി കാഴ്ച വെക്കുന്നത്.
അറ്റ്ലാന്ഡ യുണൈറ്റഡിനെതിരായ മത്സരത്തിൽ ഇന്റർ മിയാമി 12 ഗോളുകൾക്ക് വിജയിച്ചു. എന്നാൽ എല്ലാവരെയും ഞെട്ടിച്ച് കൊണ്ട് 12-ൽ 11 ഗോളും നേടിയത് തിയാഗോ മെസിയാണ്. അച്ഛനെ പോലെ ഭാവി ഇതിഹാസമായി തിയാഗോ മാറും എന്നാണ് ആരാധകരുടെ വിലയിരുത്തൽ. 2023-ൽ ഇന്റർ മിയാമി അക്കാദമിയിൽ എത്തിയ താരമാണ് തിയാഗോ. പിഎസ്ജി ക്യാമ്പിലും തിയാഗോ ഉണ്ടായിരുന്നു. എന്നാൽ അന്ന് ഇത്തരമൊരു പ്രകടനം താരം നടത്തിയിരുന്നില്ല.