ഇംഗ്ലീഷ് പ്രീമിയർ ലീഗിൽ ഏറ്റവും മോശമായ പ്രകടനമാണ് മാഞ്ചസ്റ്റർ യുണൈറ്റഡ് നടത്തുന്നത്. കഴിഞ്ഞ മത്സരത്തിൽ ആസ്റ്റൻ വില്ലയ്ക്കെതിരെ സമനില നേടാൻ മാത്രമേ ടീമിന് സാധിച്ചൊള്ളു. മോശമായ പ്രകടനമാണ് താരങ്ങൾ ഇന്ന് കളിക്കളത്തിൽ കാഴ്ച വെച്ചത്. മാഞ്ചസ്റ്റർ അവസാനമായി കളിച്ച അഞ്ച് മത്സരങ്ങളിൽ ഒരേണം പോലും വിജയിക്കുവാൻ ടീമിന് സാധിച്ചിട്ടില്ല. കളിച്ച 11 മത്സരങ്ങളിൽ മൂന്നു മത്സരങ്ങൾ മാത്രമാണ് അവർ വിജയിച്ചിട്ടുള്ളത്. പരിശീലകനായ എറിക്ക് ടെൻഹാഗിനെതിരെ വൻ വിമർശനങ്ങളാണ് ഉയർന്നു വരുന്നത്. പ്രീമിയർ ലീഗിൽ പതിനാലാം സ്ഥാനത്താണ് യുണൈറ്റഡ് ഇപ്പോൾ ഉള്ളത്.
ടീമിനെ മികച്ച രീതിയിൽ ഉയർത്തി കൊണ്ട് വരും എന്നാണ് പരിശീലകനായ എറിക്ക് ടെൻഹാഗ് മുൻപ് പറഞ്ഞിരുന്നത്. എന്നാൽ അദ്ദേഹം അതിൽ പരാജയപെട്ടു. അദ്ദേഹത്തെ പുറത്താക്കണം എന്നാണ് ആരാധകരുടെ ആവശ്യം. മുൻപും റൊണാൾഡോയായിട്ട് എറിക്കിന് അത്ര നല്ല ചേർച്ചയിലല്ലായിരുന്നു. പല താരങ്ങളും അദ്ദേഹത്തിനെതിരെ സംസാരിച്ചിട്ടുണ്ട്.
അടുത്ത വ്യാഴാഴ്ച ലണ്ടനിൽ വച്ചുകൊണ്ട് ഒരു യോഗം സംഘടിപ്പിക്കുന്നുണ്ടെന്നും അതിൽ ടെൻഹാഗിന്റെ ഭാവി തീരുമാനമാകും എന്നുമാണ് മാഞ്ചസ്റ്റർ ക്യാമ്പിൽ നിന്ന് ഇപ്പോൾ കിട്ടുന്ന വിവരങ്ങൾ സൂചിപ്പിക്കുന്നത്. എറിക്കിന് സ്ഥാനം നഷ്ടമാകുമെന്നും പുതിയ പരിശീലകനെ നിയമിക്കുമെന്നുമാണ് റിപ്പോട്ടിൽ സൂചിപ്പിക്കുന്നത്. മുൻ ചെൽസി പരിശീലകനായ തോമസ് ടുഷെലിനെ കൊണ്ടുവരാൻ ആയിരിക്കും ഇവർ ശ്രമിക്കുക. അദ്ദേഹം നിലവിൽ ഫ്രീ ഏജന്റാണ്. ചെൽസിക്ക് ചാമ്പ്യൻസ് ലീഗ് കിരീടം നേടിക്കൊടുത്ത പരിശീലകനാണ് ടുഷേൽ.
എറിക്ക് ടെൻ ഹാഗിന്റെ കാര്യത്തിൽ അന്തിമ തീരുമാനം മാഞ്ചസ്റ്റർ മാനേജ്മന്റ് എടുത്തിട്ടില്ല. ഇനിയും മോശം പ്രകടനം തുടരുകയാണെങ്കിൽ ടെൻഹാഗിന് സ്ഥാനം നഷ്ടമാവാൻ തന്നെയാണ് സാധ്യത. ആസ്റ്റൻ വില്ലയ്ക്കെതിരെ സമനില കരസ്ഥമാക്കിയത് കൊണ്ടാണ് അദ്ദേഹത്തിന് ഇപ്പോൾ സ്ഥാനം നഷ്ടപെടാത്തത് എന്നാണ് ആരാധകർ വിലയിരുത്തുന്നത്.