ലഖ്‌നൗ സൂപ്പർ കിംഗ്‌സിനെതിരായ കഴിഞ്ഞ മത്സരത്തിൽ റുതുരാജ് ഗെയ്‌ക്‌വാദിനെ സ്ലോ റേറ്റിൽ നിന്ന് രക്ഷിക്കാൻ മുൻ ചെന്നൈ സൂപ്പർ കിംഗ്‌സ് ക്യാപ്റ്റൻ എംഎസ് ധോണി പരമാവധി ശ്രമിച്ചിരുന്നു . എന്നിരുന്നാലും, അദ്ദേഹത്തിൻ്റെ ശ്രമങ്ങളും നിർദ്ദേശങ്ങളും ഉണ്ടായിരുന്നിട്ടും, കൃത്യസമയത്ത് ഓവറുകൾ പൂർത്തിയാക്കുന്നതിൽ ടീം പരാജയപ്പെട്ടു. മത്സരം പൂർത്തിയാക്കേണ്ട സമയത്ത് രണ്ട് ഓവറുകൾ കുറവാണെന്ന് കണ്ടെത്തിയതിനാൽ ക്യാപ്റ്റൻ ഋതുരാജ് ഗെയ്‌ക്‌വാദിന് 12 ലക്ഷം രൂപ പിഴ കിട്ടിയിരുന്നു. ഇന്നലെ നടന്ന റിട്ടേൺ ഫിക്‌ചറിൽ, തുടർച്ചയായ രണ്ടാം ഗെയിമിലും പെനാൽറ്റി ശിക്ഷ തന്റെ നായകന് ഒഴിവാക്കാൻ ചെന്നൈ നായകൻ കാണിച്ച ബുദ്ധി എന്തായാലും വിജയിച്ചിരിക്കുകയാണ്.
നിയമങ്ങൾ അനുസരിച്ച്, മൂന്ന് മത്സരങ്ങളിൽ നിശ്ചിത സമയത്ത് ഫ്രാഞ്ചൈസി ഓവർ പൂർത്തിയാക്കിയില്ലെങ്കിൽ, നായകനെ ഒരു മത്സരത്തിൽ നിന്ന് സസ്പെൻഡ് ചെയ്യും. എൽഎസ്‌ജിയുടെ ചേസിൽ, ധോണി ഓവറുകൾ പൂർത്തിയാക്കുമ്പോൾ ഓടുന്നത് കാണാമായിരുന്നു. അടുത്ത ഓവർ കൃത്യസമയത്ത് ആരംഭിക്കുന്നതിനുള്ള ഒരു തന്ത്രമായിരുന്നു അത്, ഒപ്പം അവരുടെ സ്ഥാനങ്ങൾ വേഗത്തിൽ മാറ്റാൻ ടീമംഗങ്ങളെ പ്രചോദിപ്പിക്കുകയും ചെയ്തു. ഓരോ ഓവറും പൂർത്തിയാക്കിയതിന് ശേഷവും ധോണിയുടെ ഈ ഓട്ടം എതിരാളികളെ സഹായിച്ചു.
19.3ൽ 6 വിക്കറ്റിന് ചെന്നൈ തോറ്റെങ്കിലും ഓവർ നിരക്ക് നിയന്ത്രണത്തിലാക്കാൻ ടീമിന് കഴിഞ്ഞു. ടോസ് നഷ്ടപ്പെട്ട് ആദ്യം ബാറ്റ് ചെയ്ത നിലവിലെ ചാമ്പ്യന്മാർ ഗിയാക്‌വാദിൻ്റെ (105) സെഞ്ചുറിയുടെ സഹായത്തോടെ 210/4 എന്ന സ്‌കോറാണ് നേടിയത്. ശിവം ദുബെ തൻ്റെ മികച്ച ഫോം തുടരുകയും സീസണിലെ മൂന്നാം അർധസെഞ്ചുറിയുമായി (66) തിളങ്ങുകയും ചെയ്തു.
124 റൺസുമായി പുറത്താകാതെ നിന്ന മാർക്കസ് സ്റ്റോയിനിസ് തിളങ്ങിയതോടെ ലഖ്‌നൗ 211 റൺസ് എളുപ്പത്തിൽ തന്നെ മൂന്ന് വിക്കറ്റുകൾ ബാക്കി നിൽക്കെ മറികടക്കുക ആയിരുന്നു.