എഡ്ജ്ബാസ്റ്റണിൽ ഇന്ത്യയ്ക്കെതിരായ അഞ്ചാം ടെസ്റ്റ് വിജയിച്ച ഇംഗ്ലണ്ട് പരമ്പര ഗംഭീരമായി സമനിലയിലാക്കി. ഫോമിലുള്ള ബാറ്റർമാരായ ജോ റൂട്ടും ജോണി ബെയർസ്റ്റോയും അപരാജിത സെഞ്ചുറികൾ നേടിയതോടെ അവർ ടെസ്റ്റിലെ എക്കാലത്തെയും ഉയർന്ന റൺസ് വേട്ടകളിൽ ഒന്നിലൂടെ ഇന്ത്യയെ തോൽപ്പിച്ചു . എഡ്ജ്ബാസ്റ്റണിൽ ഇന്ത്യക്കെതിരെ ആതിഥേയർ 7 വിക്കറ്റിന്റെ തകർപ്പൻ ജയം നേടിയപ്പോൾ ബെയർസ്റ്റോയും റൂട്ടും പുറത്താകാതെ നിന്നു.
എന്നാൽ നാലാം ദിവസത്തെ കളിയിൽ ഇന്ത്യയുടെ പുതിയ നമ്പർ 3 ബാറ്റർ ഹനുമ വിഹാരി മികച്ച അവസരം പാഴാക്കിയില്ലെങ്കിൽ ഈ ടെസ്റ്റിന്റെ ഫലം തികച്ചും വ്യത്യസ്തമാകുമായിരുന്നു എന്നാണ് സോഷ്യൽ മീഡിയകളിൽ നിറയുന്നത്.
പണ്ട് ഗിബ്സ് സ്റ്റീവ് വോയുടെ ക്യാച്ച് നഷ്ടപ്പെടുത്തിയ പോലെ തന്നെ കളിയിൽ ജെയ്ൻ ഉറപ്പിക്കാവുന്ന സുവർണാവസരമാണ് വിഹാരി നഷ്ടപ്പെടുത്തിയത്. അതിന് ശേഷം അത്തരം ഒരു അവസരം ഇന്ത്യക്ക് കിട്ടിയതുമില്ല. എന്നാൽ അബദ്ധങ്ങൾ മനുഷ്യസഹജമാണെന്നും ആർക്കും തെറ്റുകൾ സംഭവിക്കാവുന്നതാണെന്നും മറ്റൊരു കൂട്ടർ പറയുന്നു.
എന്തായാലും കളിയിലെ ഏറ്റവും നിർണായക നിമിഷത്തിൽ തെറ്റ് ചെയ്തു എന്നതിനാൽ വിഹാരി ട്രോളിൽ നിറയുന്നു.