പ്രണവ് തെക്കേടത്ത്
ഏകദിന ക്രിക്കറ്റില് 75 ആവറേജ് , ടെസ്റ്റില് 63.91 , ടി20 യില് 50ന് മുകളില്. ഇപ്പോള് ഐപില് ലും 50 ന് മുകളില് ആവറെജോടെ കളിക്കളത്തില് ഇറങ്ങുന്ന ഓരോ ഫോര്മാറ്റിലും ലീഗിലും തന്റെ സാനിധ്യം വ്യക്തമാക്കുന്ന പ്രകടനങ്ങള്.
കണ്വെന്ഷനല് ഷോട്ടുകള് കൊണ്ട് തന്നെ സ്കോര് ഉയര്ത്താന് സാധിക്കുന്നു എന്നത് തന്നെയാണ് കോണ്വെയെ വ്യത്യസ്തമാക്കുന്ന ഘടകം. സ്പിന്നേഴ്സിനെയും ഫാസ്റ്റ് ബോളേഴ്സിനെയും ഒരേ മികവോടെ നേരിടുന്ന അപൂര്വം ഫോറിന് ഓപ്പണേഴ്സില് ഒരാള്. ടെംപറമെന്റ് കൊണ്ടും സ്കില് സെറ്റ് കൊണ്ടും ഒരുപാട് കാലം മുന്നോട്ട് പോവാനുള്ള ഒരു കരിയറിന്റെ ചില മിന്നലാട്ടങ്ങളാണ് കഴിഞ്ഞ കളികളിലായി നമ്മള് വീക്ഷിക്കുന്നത്.
അവസാനം കളിച്ച 3 കളികളിലും 50 ന് മുകളില് റണ്സ് കണ്ടെത്തുമ്പോള് അതില് 2 വട്ടം ഋതുരാജിനൊപ്പം 100 റണ്സിന്റെ ഓപ്പണിങ് പാര്ട്ണര്ഷിപ്. പ്രോപ്പര് ക്രിക്കറ്റിങ് ഷോട്ടുകളോടൊപ്പം സ്പിന്നേഴ്സിനെ ക്രീസ് വിട്ടിറങ്ങിയും സ്വീപ് ചെയ്തും അണ് സെറ്റില് ചെയ്യിക്കുന്ന കോണ്വെ ഇന്റര്നാഷനല് ക്രിക്കറ്റിലും സബ് കോണ്ടിനെന്റില് സര്ഫേസില് റണ്സുകള് കണ്ടെത്തുമെന്നതും സുനിശ്ചിതം.
കളിക്കാരുടെ കഴിവ് വ്യക്തമായി തിരിച്ചറിഞ്ഞ് അവസരം കൊടുക്കുന്ന ചെന്നൈ പോലൊരു ഫ്രാഞ്ചൈസി ആദ്യ മത്സരത്തിന് ശേഷം കുറച്ചു കളികളില് ഇദ്ദേഹത്തെ പുറത്തിരുത്തിയത് ശരിക്കും അത്ഭുതപെടുത്തുന്ന കാഴ്ചയായിരുന്നു.
കടപ്പാട്: ക്രിക്കറ്റ് കാര്ണിവല് 24 × 7