ഐപിഎലിൽ ഇന്ന് നടക്കുന്ന മത്സരത്തിൽ കരുത്തരായ ഗുജറാത്ത് ടൈറ്റൻസിനെതിരെ ലക്നൗ സൂപ്പർ ജയൻറ്സ് തകർപ്പൻ സ്കോറിൽ. ആദ്യ ഇന്നിങ്സിൽ മിച്ചൽ മാർഷിന്റെയും നിക്കോളാസ് പുരാന്റെയും മികവിൽ ടീം സ്കോർ 235 റൺസ് നേടി. മിച്ചൽ മാർഷ് 64 പന്തിൽ നിന്നായി 10 ഫോറും 8 സിക്സും അടക്കം 117 റൺസ് നേടി.
മിച്ചൽ മാർഷിന്റെ കൂടെ മികച്ച പിന്തുണയായി നിക്കോളാസ് പുരാൻ 27 പന്തിൽ 4 ഫോറും 5 സിക്സുമടക്കം 56 റൺസ് നേടി. എന്നാൽ ആരാധകർ ഹാപ്പിയായത് ലക്നൗ നായകൻ റിഷബ് പന്തിന്റെ പ്രകടനത്തിലാണ്. മൂന്നാമനായി ഇറങ്ങിയ താരം 6 പന്തിൽ നിന്നായി 2 സിക്സ് അടക്കം 16 റൺസ് നേടി.
ഇന്നത്തെ മത്സരത്തിൽ വിജയിച്ചാലും ലക്നൗ സൂപ്പർ ജയൻസ്റ്റിനു പ്ലെഓഫിലേക്ക് കയറാൻ സാധിക്കില്ല. ഈ സീസണിൽ ഐപിഎൽ ചരിത്രത്തിലെ തന്നെ ഏറ്റവും വലിയ തുകയ്ക്ക് വാങ്ങിയ താരമായിരുന്നു റിഷബ് പന്ത്. എന്നാൽ ഈ സീസണിൽ ഏറ്റവും കൂടുതൽ ഫ്ലോപ്പായതും താരമാണ്. അടുത്ത വർഷത്തെ ഐപിഎലിൽ താരത്തിനെ ടീം റീറ്റെയിൻ ചെയ്യാനുള്ള സാധ്യത കുറവാണ് എന്ന് റിപ്പോട്ടുകളുണ്ട്.