ചൊവ്വാഴ്ച സിഡ്‌നി ക്രിക്കറ്റ് ഗ്രൗണ്ടിൽ ഉച്ചഭക്ഷണം കഴിക്കാതെ ഭൂരിഭാഗം ഇന്ത്യൻ ക്രിക്കറ്റ് താരങ്ങളും ഹോട്ടലിലേക്ക് മടങ്ങിയതിന് ശേഷം പ്രശ്നം പരിശോധിച്ചുവരികയാണെന്നും ഉടൻ തന്നെ പ്രശ്നം പരിഹരിക്കുമെന്ന് ഐസിസി പറഞ്ഞു. എസ്‌സി‌ജിയിലെ പരിശീലന സെഷനുശേഷം രോഹിത് ശർമ്മയും കൂട്ടരും നല്ല ഭക്ഷണം പ്രതീക്ഷിച്ചു എങ്കിലും പഴങ്ങളും തണുത്ത സാൻഡ്‌വിച്ചുകളും ഫലാഫെലും മാത്രമാണ് കിട്ടിയത്..
മൂന്ന് മണിക്കൂറോളം നെറ്റിൽ വിയർത്ത് വിഭവസമൃദ്ധമായ ഭക്ഷണം കഴിക്കുന്നത് ശീലമാക്കിയ ഇന്ത്യൻ ക്രിക്കറ്റ് താരങ്ങൾക്ക് മെനു ഇഷ്ടപ്പെട്ടില്ല എന്ന് ഉറപ്പാണ്. ചില ഇന്ത്യൻ ക്രിക്കറ്റ് താരങ്ങൾ ഫലാഫെലും പഴങ്ങളും കഴിച്ചു, എന്നാൽ അവരിൽ ഭൂരിഭാഗവും ഭക്ഷണത്തിനായി ഹോട്ടലിലേക്ക് മടങ്ങാൻ തീരുമാനിച്ചു.
ബിസിസിഐ അനൗദ്യോഗികമായി ഐസിസിയെ തങ്ങളുടെ അതൃപ്തി അറിയിക്കുക. “അതെ, പരിശീലനത്തിന് ശേഷം ഭക്ഷണവുമായി ബന്ധപ്പെട്ട അവരുടെ പ്രശ്‌നങ്ങളെക്കുറിച്ച് ഇന്ത്യൻ ടീം ഞങ്ങളോട് പറഞ്ഞു. ഞങ്ങൾ അത് മനസിലാക്കാൻ ശ്രമിക്കുകയാണ്, പ്രശ്നം പരിഹരിക്കപ്പെടും,” ഐസിസി വൃത്തങ്ങൾ പിടിഐയോട് പറഞ്ഞു.
ലോകകപ്പ് സമയത്ത് ഭക്ഷണവും താമസവും നിയന്ത്രിക്കുന്നത് ഐസിസിയാണ്, ആതിഥേയ അസോസിയേഷനല്ല. “ഇത് ഏതെങ്കിലും ബഹിഷ്‌കരണം പോലെയല്ല. ചില കളിക്കാർ പഴങ്ങളും ഫലാഫെലും എടുത്തിരുന്നു, എന്നാൽ എല്ലാവരും ഉച്ചഭക്ഷണം കഴിക്കാൻ ആഗ്രഹിച്ചു, അതിനാൽ അവർ ഹോട്ടലിൽ തിരിച്ചെത്തിയതിന് ശേഷം ഭക്ഷണം കഴിച്ചു,” സംഭവത്തെക്കുറിച്ചുള്ള ഒരു ബിസിസിഐ ഉദ്യോഗസ്ഥൻ അജ്ഞാതാവസ്ഥയിൽ പിടിഐയോട് പറഞ്ഞു.
“ഉച്ചഭക്ഷണത്തിന് ശേഷം ഐസിസി ചൂടുള്ള ഭക്ഷണമൊന്നും നൽകുന്നില്ല എന്നതാണ് പ്രശ്നം. ഒരു ഉഭയകക്ഷി പരമ്പരയിൽ, ആതിഥേയ അസോസിയേഷനാണ് കാറ്ററിങ്ങിന്റെ ചുമതല വഹിക്കുന്നത്, പരിശീലനത്തിന് ശേഷം അവർ എപ്പോഴും ചൂടുള്ള ഇന്ത്യൻ ഭക്ഷണം നൽകുന്നു. എന്നാൽ ഐസിസിയുടെ നിയമം ഇതാണ്. എല്ലാ രാജ്യങ്ങൾക്കും സമാനമാണ്,” ഉദ്യോഗസ്ഥർ കൂട്ടിച്ചേർത്തു.