മുരളി മേലേട്ട്
കഴിഞ്ഞ ഐപിഎല്‍ സീസണില്‍ രവിന്ദ്ര ജഡേജയേ ചെന്നൈ സൂപ്പര്‍ കിംഗ്‌സ്
ക്യാപ്റ്റനാക്കി. അതോടെ ജഡേജ ബൗളിംഗ് മറന്നു ബാറ്റിംഗ് മറന്നു. മുഖത്തുണ്ടായിരുന്ന ചിരിമാഞ്ഞു ടെന്‍ഷന്‍ കണ്ടുപിടിച്ച ആളാണെന്ന് തോന്നുന്ന അവസ്ഥ. ടീമിനു തുടര്‍തോല്‍വികളും…
WPL ഏറ്റവുമധികം വിലയിട്ട് റോയല്‍ ചലഞ്ചേഴ്‌സ് ബാംഗ്ലൂര്‍ വാങ്ങിയ ഇന്‍ഡ്യന്‍ വുമണ്‍ ക്രിക്കറ്റ് സൂപ്പര്‍ താരം സ്മൃതി മന്ദന നയിക്കുന്ന ടീം അഞ്ച് കളിയില്‍ അത്രയും തോറ്റു. ക്യാപ്റ്റന്‍ ടീമിനുഭാരമാകുന്ന അവസ്ഥ. ജഡേജയ്ക്കു സംഭവിച്ചതുപോലെ തന്നെ. സ്മൃതി മന്ദനയുടെ ഒരിക്കലും മായാത്ത ചിരിമാഞ്ഞു.. ടെന്‍ഷന്‍ കണ്ടുപിടിച്ച ആളാണെന്ന അതേ അവസ്ഥ മുഖത്ത് തെളിയുന്നു. നിരന്തരം ഷോട്ടുകള്‍ പിഴയ്ക്കുന്നു.
ഒരിക്കലും ബാംഗ്ലൂര്‍ ടീം ഇത്രയും തോല്‍വി വഴങ്ങുമെന്ന് ആരും വിചാരിച്ചിരുന്നില്ല. RCB ഒരു ടീമെന്ന നിലയില്‍ ഇതുവരെ സെറ്റായിട്ടില്ല. കളിക്കാരില്‍ ചിലര്‍ വ്യക്തിഗതമായഒറ്റപ്പെട്ട പ്രകടനം മാത്രം. ഇപ്പോഴത്തെ നിലയില്‍ RCB അധികം മുന്നോട്ട് പോകാന്‍ സാധ്യതയില്ല.
ക്യാപ്റ്റനേ മാറ്റിഒരു പരീക്ഷണം വേണമെങ്കില്‍ ആകാം. ടീമിനേ ആത്മവിശ്വാസം നല്‍കി മുന്നോട്ട് പോകാന്‍ അതുചിലപ്പോള്‍ സഹായകമാണ്. എങ്കിലും സ്മൃതി മന്ദനയിലുണ്ടായ ഈ മാറ്റം അവിശ്വസനീയമാണ്..
കടപ്പാട്: മലയാളി ക്രിക്കറ്റ് സോണ്‍