2022ൽ ഓസ്ട്രേലിയയിൽ നടക്കുന്ന ടി20 ലോകകപ്പിൽ പാകിസ്ഥാന് ഇന്ത്യയ്ക്കെതിരെ ജയിക്കുക്കുക ഒട്ടും എളുപ്പം ആയിരിക്കില്ലെന്ന് മുൻ പേസർ ഷോയിബ് അക്തർ പറഞ്ഞത് വാർത്ത ആയിരുന്നു . ഒക്ടോബർ 23 ന് എംസിസിയിൽ നടക്കുന്ന പോരാട്ടത്തെക്കുറിച്ച് സംസാരിക്കവെയാണ് അക്തർ തന്റെ അഭിപ്രായം പറഞ്ഞത്.
കഴിഞ്ഞ വര്ഷം നടന്ന ലോകകപ്പിൽ ഇന്ത്യ ചരിത്രത്തിൽ ആദ്യമായി പാകിസ്താനോട് തോറ്റിരുന്നു. ലോകവേദിയിൽ ഇത്തരം ഒരു സംഭവം ആദ്യമായിരുന്നു. പാകിസ്ഥാൻ ബൗളറുമാരുടെ വീര്യത്തിന് മുന്നിൽ മറുപടി ഇല്ലാതിരുന്ന ഇന്ത്യൻ താരങ്ങൾ ഒന്നൊന്നായി കൂടാരം കയറിയപ്പോൾ 10 വിക്കറ്റിനാണ് അന്ന് പാകിസ്ഥാൻ ജയിച്ചത്.
ഇപ്പോഴിതാ പാകിസ്ഥാൻ താരം ഷദാബ് ഖാൻ ഇതുമായി ബന്ധപ്പെട്ട് അഭിപ്രായം പറഞ്ഞിരിക്കുകയാണ്: ഇന്ത്യയെ നേരിടാൻ ഞങ്ങൾക്ക് ഒരു സമ്മർദ്ദവും ഇല്ല. സമ്മർദ്ദം ഒകെ ഇന്ത്യക്ക് ആയിരിക്കും. കഴിഞ്ഞ ലോകകപ്പിൽ അവരെ തോൽപ്പിക്കാൻ പറ്റിയത് ആത്മവിശ്വാസം കൂട്ടിയിട്ടുണ്ട് ഞങ്ങളുടെ.”
ലോകകപ്പിൽ ആദ്യമായിട്ടാണ് പാകിസ്ഥാൻ ഇന്ത്യക്ക് മുന്നിൽ ജയിക്കുന്നത്. എന്തായാലും അമിത ആത്മവിശ്വാസം ആപത്താണെന്നാണ് ആരാധകരും പറയുന്നത്.