ഫിഫ ലോകകപ്പിൽ ഗ്രൂപ്പ് ജിയിൽ കാമറൂണിനോട് 1-0ന് ബ്രസീലിന്റെ ഞെട്ടിക്കുന്ന തോൽവിയിൽ ബ്രൂണോ ഗ്വിമാരേസിന്റെ പ്രകടനത്തിൽ നിരാശരായ ആരാധകർ സോഷ്യൽ മീഡിയയിൽ അയാൾക് എതിരെ തിരിഞ്ഞു. മത്സരത്തിലെ മോശം പ്രകടനത്തിന് ഇനി നിന്നെ ഞങ്ങൾക്ക് ടീമിൽ വേണ്ട എന്ന അഭിപ്രായമാണ് ബ്രസീലിയൻ ആരാധകരിൽ ഭൂരിഭാഗവും പറഞ്ഞത്.
ന്യൂകാസിൽ യുണൈറ്റഡ് മിഡ്ഫീൽഡർ 55 ആം മിനിറ്റിൽ പകരക്കാരനായിട്ടാണ് ഇന്നലെ കളത്തിൽ ഇറങ്ങിയത്. ഏറെ പ്രതീക്ഷയോടെയാണ് ബ്രസീലിയൻ ആരാധകർ താരത്തിന്റെ പ്രകടനം കാണാൻ ഇരുന്നതെങ്കിലും ബ്രൂണോ ഇന്നലെ നിരാശപ്പെടുത്തി.
73-ാം മിനിറ്റിൽ താരം മത്സരത്തിലെ ഒരു സുവർണാവസരം കളഞ്ഞു കുളിക്കുന്ന കാഴ്ച്ച ഇന്നലെ കാണാനായി. 84-ാം മിനിറ്റിൽ 25 കാരനായ ഗ്വിമാരേസിന് മറ്റൊരു അവസരം ലഭിച്ചു. അവസാനം മത്സരം അവസാനിക്കാൻ നേരം കാമറൂൺ സമനില ഗോൾ നേടിയപ്പോഴാണ് നഷ്‌ടമായ അവസരത്തിന്റെ വില ആരാധകർ മനസിലാക്കിയത്.
മികച്ച താരങ്ങൾ ഒരുപാട് ഉണ്ടായിട്ടും നല്ല ഒരു ഫിനീഷറുടെ അഭാവമാണ് ബ്രസീലിനെ ചതിച്ചത്. ഇതിൽ ബ്രൂണൊയാണ് കൂടുതലും ട്രോളുകൾക്ക് ഇര ആകുന്നതെന്ന് മാത്രം