ഇന്ത്യൻ ഇതിഹാസം വിരാട് കോഹ്ലി ഐപിഎലിൽ നിന്നും വിരമിക്കുന്നതായി റിപ്പോർട്ട്. 2026 ലെ ഐപിഎൽ സീസണിന് മുന്നോടിയായി റോയൽ ചലഞ്ചേഴ്സ് ബെംഗളൂരുവുമായി വാണിജ്യ കരാർ പുതുക്കാൻ വിരാട് കോഹ്ലി വിസമ്മതിച്ചതിനു പിന്നാലെയാണ് താരം ഐപിഎല്ലിൽ നിന്നും വിരമിക്കാനൊരുങ്ങുന്നതായുള്ള അഭ്യൂഹങ്ങളും ശക്തമായത്.
എന്നാൽ ദേശീയ മാധ്യമങ്ങളടക്കം പങ്കിട്ട റിപ്പോർട്ടുകളിൽ ഇതുവരെ വിരാട് കോഹ്ലിയോ ആർസിബിയോ ഔദ്യോഗികമായി പ്രതികരിച്ചിട്ടില്ല. നീണ്ട 18 വർഷത്തെ കാത്തിരിപ്പിന് ശേഷം വിരാട് കോഹ്ലി ആർസിബിക്കൊപ്പം കഴിഞ്ഞ വർഷം ഐപിഎൽ കിരീടം സ്വന്തമാക്കിയിരുന്നു.
ഐപിഎൽ ചരിത്രത്തിലെ തന്നെ ഏറ്റവും കൂടുതൽ റൺസ് നേടിയ താരമാണ് കോഹ്ലി. 267 മത്സരങ്ങളിൽ നിന്ന് 39 റൺസ് ബാറ്റിങ് ആവറേജിൽ 8661 റൺസ് താരം നേടിയിട്ടുണ്ട്. എട്ട് സെഞ്ച്വറിയും 63 അർധ സെഞ്ച്വറിയും താരം നേടി.