ഇപ്പോൾ നടക്കാൻ പോകുന്ന ഐപിഎലിൽ കിരീടം നേടാൻ ഏറ്റവും സാധ്യതയുള്ള ടീമാണ് മുംബൈ ഇന്ത്യൻസ്. ഇന്ത്യൻ ടീമിലെ വെടിക്കെട്ട് ബാറ്റ്സ്മാന്മാരും ബോളർമാരും അടങ്ങുന്ന ടീമായ മുംബൈ, ഐപിഎലിൽ 6 ആം തവണ കിരീടം നേടുന്ന ആദ്യ ടീമാകുക എന്ന ലക്ഷ്യത്തിനാണ് പ്രയത്നിക്കുന്നത്.
ഇപ്പോഴിതാ പുതിയ സീസണില് മുംബൈ ഇന്ത്യന്സിന് ആറാം കിരീടം നേടിക്കൊടുക്കുകയാണ് ലക്ഷ്യമെന്ന് പറഞ്ഞിരിക്കുകയാണ് ക്യാപ്റ്റന് ഹാര്ദിക് പാണ്ഡ്യ. ടീമിന്റെ പാരമ്പര്യം ഉയര്ത്തിപ്പിടിക്കാനും മുംബൈ ഇന്ത്യന്സ് ഇതുവരെ കളിച്ചതില് വച്ച് ഏറ്റവും മികച്ച ക്രിക്കറ്റ് ഈ സീസണില് പുറത്തെടുക്കാനുമാണ് താന് ആഗ്രഹിക്കുന്നതെന്ന് വ്യക്തമാക്കി.
‘ആറാം തവണയും ഐപിഎല് കിരീടം നേടുക എന്നത് തന്നെയാണ് അന്തിമ ലക്ഷ്യം. പാരമ്പര്യം നിലനിർത്തുക എന്നത് പ്രധാനമാണ്. ഞാന് ഒരു തുടക്കക്കാരനായിരുന്ന കാലത്ത് ടീം എനിക്ക് നല്കിയ പിന്തുണ ഞാന് ഓര്ക്കുന്നു. യുവ പ്രതിഭകളെ വളര്ത്തിയെടുക്കുന്ന മുംബൈയുടെ ശൈലി തുടരും. ഭയമില്ലാതെ കളിക്കാൻ വളർന്നു വരുന്ന താരങ്ങൾക്കു സാധിക്കണമെന്നു ആഗ്രഹിക്കുന്നു. ഈ സീസണിൽ ടീമിനായി എനിക്കും മികവ് പുറത്തെടുക്കാൻ സാധിക്കുമെന്നു തന്നെയാണ് പ്രതീക്ഷിക്കുന്നത്’- ഹാർദിക് പറഞ്ഞു.