ഐപിഎലിൽ ഇന്നലെ നടന്ന മത്സരത്തിൽ മുംബൈ ഇന്ത്യൻസിനെ വീണ്ടും തോല്പിച്ച് ചെന്നൈ സൂപ്പർ കിങ്സ്. 8 വിക്കറ്റുകൾക്കാണ് ചെന്നൈ മുംബൈയെ പരാജയപ്പെടുത്തിയത്. ഇതോടെ ടൂർണമെന്റിൽ നിന്ന് മുംബൈ ഇന്ത്യൻസ് പുറത്താക്കാനുള്ള സാധ്യതകൾ കൂടുതലാണെന്നാണ് ആരാധകരുടെ വിലയിരുത്തൽ.
ചെന്നൈ നായകന് റുതുരാജ് ഗെയ്ക്വാദും ഇംപാക്റ്റ് പ്ലെയര് കാര്ത്തിക് ശര്മയുമാണ് വിജയശില്പ്പികള്. ഗെയ്ക്വാദ് 67 റണ്സെടുത്തു. കാര്ത്തിക് ശര്മ 54 റണ്സ് നേടി. സഞ്ജു സാംസണിന് (11) തുടര്ച്ചയായ രണ്ടാം മത്സരത്തിലും ഫോമിലേക്കെത്താനായില്ല. ഉര്വില് പട്ടേല് 24 റണ്സെടുത്തു. മുംബൈ ഇന്ത്യന്സ് ഉയര്ത്തിയ 160 റണ്സ് ലക്ഷ്യമിട്ട ചെന്നൈ, പവര്പ്ലേയിലും മിഡില് ഓവറുകളിലും മികച്ച പ്രകടനമാണ് നടത്തിയത്. തോൽവിക്ക് ശേഷം ഹാർദിക് സംസാരിച്ചു.
‘ഇത് ഞങ്ങളുടെ സീസൺ അല്ല. ഇനി തിരിച്ച് വരവില്ല. ചെന്നൈ ഞങ്ങളെക്കാൾ നന്നായി കളിച്ചു, നന്നായി ബോൾ ചെയ്തു, നന്നായി ഫീൽഡ് ചെയ്തു, നന്നായി ബാറ്റ് ചെയ്തു. ഞങ്ങൾക്ക് ആ റിഥം കിട്ടിയില്ല. മൊത്തത്തിൽ നോക്കുമ്പോൾ അവർ നന്നായി ബോൾ ചെയ്തു പക്ഷെ ഞങ്ങൾ നന്നായി ബാറ്റ് ചെയ്തില്ല’ ഹാർദിക് പറഞ്ഞു.