പാകിസ്ഥാന്‍ ക്രിക്കറ്റ് താരം മുഹമ്മദ് ഹഫീസിന്റെ വീട്ടില്‍ മോഷണം നടന്നതായി റിപ്പോര്‍ട്ടുകള്‍. റിപ്പോര്‍ട്ടുകള്‍ പ്രകാരം, മോഷ്ടാക്കള്‍ 20,000 യുഎസ് ഡോളറിലധികം മോഷ്ടിച്ചു എന്നാണ് വിവരം. ഇത് ഏകദേശം 55 ലക്ഷത്തിന് മേല്‍ പാകിസ്ഥാന്‍ രൂപ വരും.
മാര്‍ച്ച് അഞ്ചിനും ആറിനും ഇടയില്‍ അര്‍ദ്ധരാത്രിയില്‍ ഹഫീസും ഭാര്യയും വീട്ടില്‍ ഇല്ലാതിരുന്ന സമയത്താണ് മോഷ്ടാക്കള്‍ വീട്ടില്‍ കയറിയതെന്ന് റിപ്പോര്‍ട്ടുകള്‍ പറയുന്നു. ഹഫീസിന്റെ ഭാര്യയുടെ അമ്മാവനാണ് പൊലീസില്‍ പരാതി നല്‍കിയിരിക്കുന്നത്. കവര്‍ച്ചയുടെ ദൃശ്യങ്ങളും കൈമാറി.
പാകിസ്ഥാന്‍ സൂപ്പര്‍ ലീഗിലാണ് ഹഫീസ് ഇപ്പോള്‍ ഉള്ളത്. ക്വെറ്റ ഗ്ലാഡിയേറ്റേഴ്‌സിന്റെ താരമാണ് അദ്ദേഹം. ക്വറ്റ ഗ്ലാഡിയേറ്റേഴ്സ് നിലവില്‍ സെക്കന്റ് ലാസ്റ്റ് സ്ഥാനത്താണ് എന്നതിനാല്‍ ഹഫീസിന് തന്റെ ടീമിനൊപ്പവും കാര്യങ്ങള്‍ സുഖകരമല്ല.
