മോശം ഫോമില് വലയുന്ന ഇന്ത്യന് ടെസ്റ്റ് ക്രിക്കറ്റ് ടീം ക്യാപ്റ്റന് വിരാട് കോഹ്ലിയെ പിന്തുണച്ച് മുന് ഓള് റൗണ്ടര് സഞ്ജയ് ബാംഗര്. ഇതിഹാസ താരങ്ങളായ സച്ചിന് ടെണ്ടുല്ക്കറും രാഹുല് ദ്രാവിഡും പോലും സമാന അവസ്ഥ നേരിട്ടിട്ടുണ്ടെന്ന് ബാംഗര് പറഞ്ഞു.
വിരാട് കോഹ്ലി 57 ഇന്നിംഗ്സുകളില് സെഞ്ച്വറി നേടിയിട്ടില്ലെന്ന കണക്ക് ദയവായി ആവര്ത്തിക്കരുത്. എല്ലാ ഫോര്മാറ്റിലുമായാണ് അത്. ടെസ്റ്റിന്റെ കാര്യം നോക്കുകയാണെങ്കില് പൂനെയില് ദക്ഷിണാഫ്രിക്കയ്ക്കെതിരെ നേടിയ ഇരട്ട ശതകത്തിനു ശേഷമാണ് കോഹ്ലിക്ക് സെഞ്ച്വറി വരള്ച്ചയുണ്ടായത്. അതിനാല് 22-23 ഇന്നിംഗ്സുകള് മാത്രമാണ് കോഹ്ലി സെഞ്ച്വറിയില്ലാതെ പിന്നിട്ടത്- ബാംഗര് പറഞ്ഞു.
സച്ചിനും ദ്രാവിഡും പോലും അത്തരം അവസ്ഥയെ നേരിട്ടിട്ടുണ്ട്. ദീര്ഘകാലം സെഞ്ച്വറിയില്ലാതെ കടന്നുപോയിട്ടുണ്ട്. എന്നാല് അവര് ടീമിന്റെ പ്രകടനത്തില് സംഭാവന നല്കിയില്ലെന്ന് അതുകൊണ്ട് അര്ത്ഥമാക്കുന്നില്ലെന്നും ബാംഗര് കൂട്ടിച്ചേര്ത്തു.