കേരളത്തിൽ ക്രിക്കറ്റിനെക്കാൾ ജനപ്രിയമായ കായിക വിനോദമായി ഫുട്ബോളിനെ കണ്ടതിനാൽ, ക്രിക്കറ്റിനെ പ്രോത്സാഹിപ്പിക്കുന്നതിന് ഒരു ഇന്ത്യൻ പ്രീമിയർ ലീഗ് (ഐപിഎൽ) കേരളത്തിൽ ടീം വേണമെന്ന് ശ്രീലങ്കയുടെ ഇതിഹാസം മുത്തയ്യ മുരളീധരൻ ആഗ്രഹിക്കുന്നു. ഒരു ഇന്ത്യൻ പ്രീമിയർ ലീഗ് സീസൺ മാത്രം ആയുസ് ഉണ്ടായിരുന്ന കൊച്ചി ടസ്കേഴ്സ് ടീമിന്റെ ഭാഗം ആയി താൻ കളിച്ചതും പിന്നീട് ആ ടീം പിരിച്ചുവിട്ടത് തനിക്ക് നിരാശ ഉണ്ടാക്കിയെന്നും താരം പറഞ്ഞു.
ഐഎസ്എല്ലിലെ അതേ ആവേശം ക്രിക്കറ്റിനും വേണമെന്നും അതിനൊരു ടീം അത്യാവശ്യം ആണെന്നും പറഞ്ഞ മുരളീധരൻ കൊച്ചി ടസ്കേഴ്സ് ടീമിലുണ്ടായിരുന്ന കാലം ഓർത്ത് പറഞ്ഞത് ഇങ്ങനെ:
“കേരളത്തിൽ ഫുട്ബോളാണ് പ്രധാനം. ഞാൻ കൊച്ചി ടസ്കേഴ്സിനായി കളിക്കുമ്പോൾ ഇപ്പോൾ കാലം ഇപ്പോൾ ഓർക്കുന്നു. തൃപ്പൂണിത്തുറ ക്രിക്കറ്റ് ക്ലബ് പോലുള്ള ക്ലബ്ബുകൾ മുന്നോട്ട് വന്ന് സംസ്ഥാനത്ത് ക്രിക്കറ്റിനെ പ്രോത്സാഹിപ്പിക്കണം. ഒരു മികച്ച ഇന്ത്യൻ പ്രീമിയർ ലീഗ് ടീം ഉണ്ടാകേണ്ടത് അത്യാവശ്യമാണ്.” മുരളീധരൻ പറഞ്ഞു.
തൃപ്പൂണിത്തുറ ക്രിക്കറ്റ് ക്ലബ്ബിനോട് ക്രിക്കറ്റ് അധികാരികളിൽ സമ്മർദ്ദം ചെലുത്തണമെന്നും കേരളത്തിനായി ഐപിഎൽ ടീമിനെ ലഭിക്കണമെന്നും ശ്രീലങ്കയുടെ മുൻ ക്രിക്കറ്റ് താരം ആവശ്യപ്പെട്ടു.
“2011ൽ ഒരു വർഷം മാത്രമാണ് കേരള ടീം ഉണ്ടായിരുന്നത്. അത് കേരള ക്രിക്കറ്റിന് നിർഭാഗ്യകരമായിരുന്നു. കാരണം ഐപിഎൽ ടീമുണ്ടെങ്കിൽ സംസ്ഥാനത്തെ ക്രിക്കറ്റ് താരങ്ങൾക്ക് അവസരം കിട്ടും. കേരളത്തിനായി ഒരു ഐപിഎൽ ടീമിനെ കണ്ടെത്താൻ ടിസിസി സംസ്ഥാനത്തെ ക്രിക്കറ്റ് അധികാരികളിൽ സമ്മർദ്ദം ചെലുത്തണം,” മുരളീധരൻ കൂട്ടിച്ചേർത്തു.