2025ലെ ചാമ്പ്യൻസ് ട്രോഫിക്ക് മുന്നോടിയായി കരുണ് നായരെ കുറിച്ച് വൻ പ്രസ്താവനയുമായി മുൻ ഇന്ത്യൻ ക്രിക്കറ്റ് താരം ദിനേഷ് കാർത്തിക്ക്. വിദർഭയ്ക്ക് വേണ്ടി കളിക്കുന്ന നായർ, ഇപ്പോൾ നടന്നുകൊണ്ടിരിക്കുന്ന വിജയ് ഹസാരെ ട്രോഫിയിൽ അവിശ്വസനീയമായ ഫോമിലാണ്, വരാനിരിക്കുന്ന ഐസിസി ഇവൻ്റിനുള്ള ഇന്ത്യൻ ടീമിൽ ഇടം നേടാൻ താരം ഉണ്ടാകുമെന്നാണ് കരുതപ്പെടുന്നത്.
എന്നിരുന്നാലും, വിജയ് ഹസാരെ ട്രോഫിയിൽ മികവ് കാണിച്ചെങ്കിലും ഫോമിലുള്ള ബാറ്റർ ചാമ്പ്യൻസ് ട്രോഫി ടീമിൽ ഇടം നേടില്ലെന്ന് കാർത്തിക്ക് വിശ്വസിക്കുന്നു.
“കരുൺ നായർ, അവൻ കാണിച്ച ഫോം അവിശ്വസനമായിരുന്നു. മായങ്ക് അഗർവാൾ നല്ല ഫോമിലാണ്. പക്ഷേ, ഇന്ത്യൻ ഏകദിന ടീമിൽ ഇനി മാറ്റങ്ങൾക്ക് സാധ്യത ഇല്ല. ഈ ടീം ഇപ്പോൾ സെറ്റ് ആണ് ”മുൻ ഇന്ത്യൻ ക്രിക്കറ്റ് താരം Cricbuzz-ൽ (ഇന്ത്യൻ എക്സ്പ്രസ് വഴി) പറഞ്ഞു.
ഏഴ് ഇന്നിംഗ്സുകളിൽ നിന്ന് 752 എന്ന അതിശയിപ്പിക്കുന്ന ശരാശരിയിൽ 752 റൺസാണ് കരുണിൻ്റെ സമ്പാദ്യം. മാത്രമല്ല, ഇതുവരെ ഒരു തവണ മാത്രമാണ് അദ്ദേഹം പുറത്തായത് കൂടാതെ അഞ്ച് സെഞ്ച്വറികളും നേടിയിട്ടുണ്ട്. മഹാരാഷ്ട്രയ്ക്കെതിരായ സെമിയിൽ വെറും 44 പന്തിൽ പുറത്താകാതെ 88 റൺസ് നേടിയ അദ്ദേഹം നാളെ നടക്കുന്ന ഫൈനലിൽ കർണാടകയെ നേരിടാൻ വിദർഭയെ എത്തിച്ചു/
ദിനേശ് കാർത്തിക് കൂട്ടിച്ചേർത്തു.
” ചാമ്പ്യൻസ് ട്രോഫി ടീമിൽ ഇടം കിട്ടാനുള്ള ടീമിന്റെ ചർച്ചകളിൽ അയാൾ ഭാഗമായേക്കാം. അയാൾ പ്രശംസ നേടിയിട്ടുണ്ടെന്ന് ഞാൻ കരുതുന്നു. പക്ഷേ അദ്ദേഹം ചാമ്പ്യൻസ് ട്രോഫി ടീമിൽ ഇടംപിടിക്കുമെന്ന് ഞാൻ കരുതുന്നില്ല. പക്ഷെ ഇങ്ങനെ ഉള്ള പ്രകടനം നടത്തിയാൽ അവന് തീർച്ചയായിട്ടും ഇടം നേടാം.” അദ്ദേഹം പറഞ്ഞു.
എന്തായാലും ടീം സെലെക്ഷൻ പൂർത്തിയായി പ്രഖ്യാപനം നാളെ ഉണ്ടായേക്കാം.