പാകിസ്ഥാന് പര്യടനത്തില് നിന്ന് അവസാന നിമിഷം പിന്മാറിയ ന്യൂസിലന്ഡ് ക്രിക്കറ്റ് ടീമിന് ഒടുവില് മനംമാറ്റം. അടുത്ത വര്ഷം ഡിസംബറില് കിവി ടീം പാകിസ്ഥാനില് പര്യടനത്തിനെത്തും. പാകിസ്ഥാന് ക്രിക്കറ്റ് ബോര്ഡ് (പി.സി.ബി.) അറിയിച്ചതാണ് ഇക്കാര്യം.
2022 ഡിസംബറില് ലോക ടെസ്റ്റ് ചാമ്പ്യന്ഷിപ്പിന്റെ ഭാഗമായി രണ്ടു മത്സരങ്ങളും ഏകദിന ലോക കപ്പ് യോഗ്യതാ റൗണ്ടില് ഉള്പ്പെടുന്ന മൂന്ന് മത്സരങ്ങളുമാണ് ന്യൂസിലന്ഡ് പാകിസ്ഥാനില് കളിക്കുക. ഇതിനു പുറമെ സുരക്ഷാ കാരണങ്ങളെ തുടര്ന്ന് പിന്മാറിയ പരമ്പരയ്ക്ക് പകരം 2023 ഏപ്രിലില് അഞ്ച് ഏകദിനങ്ങളും അത്ര തന്നെ ടി20കള്ക്കുമായി ന്യൂസിലന്ഡ് പാകിസ്ഥാനില് വിമാനമിറങ്ങും. മത്സരവേദികളും തിയതിയും നിശ്ചയിച്ചിട്ടില്ല.
സെപ്റ്റംബറില് ന്യൂസിലന്ഡ് ടീം പാകിസ്ഥാനില് പര്യടനത്തിനെത്തിയതാണ്. റാവല്പിണ്ടിയിലെ ആദ്യ ഏകദിനത്തിന്റെ ടോസിന് തൊട്ടുമുമ്പ് ന്യൂസിലന്ഡ് ടീം സുരക്ഷാഭീഷണിയുടെ പേരില് പിന്മാറിയപ്പോള് പാകിസ്ഥാന് ക്രിക്കറ്റിന് അതു കനത്ത തിരിച്ചടിയായി. ന്യൂസിലന്ഡിന് പിന്നാലെ ഇംഗ്ലണ്ടും പാക് പര്യടനം വേണ്ടെന്നുവെച്ചിരുന്നു.