ഐപിഎലിൽ ഇന്നലെ നടന്ന മത്സരത്തിൽ ഡൽഹി ക്യാപിറ്റൽസിനെതിരെ പഞ്ചാബ് കിങ്സിന് ജയം. ആറു വിക്കറ്റിനാണ് പഞ്ചാബ് വിജയിച്ചത്. ഡൽഹി ഉയർത്തിയ 264 എന്ന കൂറ്റൻ ലക്ഷ്യം പിന്തുടർന്ന പഞ്ചാബ് ഏഴ് പന്തുകൾ ബാക്കിനിൽക്കെ നാല് വിക്കറ്റ് നഷ്ടത്തിൽ മറികടന്നു. ടി 20 ക്രിക്കറ്റിലെ തന്നെ ഏറ്റവും വലിയ റൺസ് ചേസ് ആണിത്.
36 പന്തിൽ 71 റൺസ് നേടിയ ശ്രേയസ് അയ്യർ, 26 പന്തിൽ 76 റൺസ് നേടിയ പ്രഭ്സിമ്രാൻ, 41 റൺസ് നേടിയ പ്രിയാൻഷ് ആര്യ എന്നിവരുടെ മികവിലാണ് പഞ്ചാബ് ലക്ഷ്യം മറികടന്നത്. കെ എൽ രാഹുൽ 67 പന്തിൽ ഒമ്പത് സിക്സറും 16 ഫോറുകളും അടക്കം 152 റൺസാണ് പുറത്താകാതെ നേടിയത്. നിതീഷ് റാണ 44 പന്തിൽ 11 ഫോറുകളും നാല് സിക്സറുകളും അടക്കം 91 റൺസ് നേടി മടങ്ങി.
ഐപിഎൽ തുടങ്ങി നാളുകൾ ഏറെയായിട്ടും ഒരു മത്സരം പോലും തോൽക്കാത്ത ടീമാണ് പഞ്ചാബ് കിങ്സ്. അതിൽ പ്രധാന പങ്ക് വഹിക്കുന്ന താരങ്ങളാണ് അവരുടെ തന്നെ ഓപ്പണിങ് ജോഡികളായ പ്രിയാൻഷ് ആര്യ പ്രഭ്സിമ്രാൻ കൂട്ടുകെട്ട്. ഐപിഎലിലെ ഏറ്റവും അണ്ടർ റേറ്റഡായ ഓപ്പണിങ് ജോഡികളാണ് ഇവർ. താരങ്ങൾ ഉടൻ തന്നെ ഇന്ത്യൻ ടീമിലേക്ക് തിരഞ്ഞെടുക്കപെടും എന്നാണ് ആരാധകരുടെ വിലയിരുത്തൽ.