ടി20 ലോകകപ്പിന് മാസങ്ങല്‍ മാത്രം ശേഷിക്കെ ടൂര്‍ണമെന്റിനായുള്ള മുന്നൊരുക്കങ്ങള്‍ ആരംഭിച്ചിരിക്കുകയാണ് ടീമുകള്‍. ഇന്ത്യയും മികച്ച ടീമിനെ ഇറക്കാനുള്ള തീവ്രശ്രമത്തിലാണ്. ഇപ്പോഴിതാ ടി20 ലോകകപ്പിന് ഉണ്ടാകേണ്ട ഇന്ത്യയുടെ പേസ് നിരയെ തിരഞ്ഞെടുത്തിരിക്കുകയാണ് മുന്‍ താരം സഹീര്‍ ഖാന്‍.
ജസ്പ്രീത് ബുംറക്കും മുഹമ്മദ് സിറാജിനും സീറ്റുറപ്പാണ്. അതിന് ശേഷം അര്‍ഷ്ദീപ് സിംഗിനാണ് അവസരം നല്‍കേണ്ടത്. കാരണം ഇടം കൈയന്‍ ബാറ്റ്സ്മാനെന്ന മുന്‍തൂക്കം അവന് നല്‍കണം. നന്നായി യോര്‍ക്കര്‍ എറിയാന്‍ കഴിവുള്ളവനാണ് അര്‍ഷ്ദീപ്. ഇത് ഇന്ത്യക്ക് ഗുണം ചെയ്യും.
നാലാമനായി മുഹമ്മദ് ഷമിയെ പരിഗണിക്കണമെന്നാണ് ഞാന്‍ പറയുന്നത്. അവന് ലഭ്യമാണോയെന്നതാണ് പ്രശ്നം. ലോകകപ്പിലെ എക്സ് ഫാക്ടര്‍ താരമാണവന്‍. ഈ നാല് പേസര്‍മാരുമായി ഇന്ത്യ മുന്നോട്ട് പോകണം- സഹീര്‍ പറഞ്ഞു.
മുഹമ്മദ് ഷമിയെ ടി20യിലേക്ക് തിരിച്ചുവിളിക്കാന്‍ സാധ്യത കുറവാണ്. എന്നിരുന്നാലും ഐപിഎല്‍ പ്രകടനം വിലയിരുത്തി സെലക്ടര്‍മാര്‍ മാറി ചിന്തിക്കാനും സാധ്യതയുണ്ട്. അവസാന ഏകദിന ലോകകപ്പില്‍ ഇന്ത്യക്കായി ഗംഭീര പ്രകടനം നടത്തിയ ഷമി വിക്കറ്റ് വേട്ടക്കാരില്‍ തലപ്പത്തായിരുന്നു. നിലവില്‍ പരിക്കേറ്റ് വിശ്രമത്തിലാണ് ഷമിയുള്ളത്.