2024ലെ ടി20 ലോകകപ്പിലെ തങ്ങളുടെ മത്സരത്തില് അയര്ലന്ഡിനെതിരെ ഇന്ത്യ എട്ട് വിക്കറ്റിന് ജയിച്ചുകയറി. ബാറ്റിംഗിനിടെ ക്യാപ്റ്റന് രോഹിത് ശര്മ്മ റിട്ടയേര്ഡ് ഹര്ട്ടായി മടങ്ങിയത് ഇന്ത്യന് ക്യാമ്പില് ആശങ്ക സൃഷ്ടിച്ചു.ന്യൂയോര്ക്കിലെ നാസൗ കൗണ്ടി ഇന്റര്നാഷണല് ക്രിക്കറ്റ് സ്റ്റേഡിയത്തില് പേസര് ജോഷ് ലിറ്റില് എറിഞ്ഞ പന്ത് കൈയുടെ മുകള് ഭാഗത്ത് കൊണ്ടതിന് പിന്നാലെയാണ് രോഹിത് ഗ്രൗണ്ട് വിട്ടത്.
ഒമ്പതാം ഓവറിലെ രണ്ടാം പന്താണ് രോഹിത്തിന് വേദന സമ്മാനിച്ചത്. തുടര്ന്ന് പത്താം ഓവറിലെ അവസാന പന്തിന് ശേഷം മൈതാനത്തിന് പുറത്തേക്ക് മാറാന് രോഹിത് നിര്ബന്ധിതനായി.
പരിക്ക് ഗുരുതരമല്ലെന്നതാണ് ഇന്ത്യയ്ക്കുള്ള സന്തോഷവാര്ത്ത. മത്സരത്തിന് ശേഷം രോഹിത് തന്നെയാണ് ഇക്കാര്യം വെളിപ്പെടുത്തിയത്. കൈയ്ക്ക് അല്പം വേദന മാത്രനമാണുള്ളതെന്ന് ഇന്ത്യന് ക്യാപ്റ്റന് പറഞ്ഞു. ഇതോടെ താരം പാകിസ്ഥാനെതിരായ മത്സരം കളിക്കുെമന്ന് ഉറപ്പായി.
ഇന്ത്യയുടെ വിജയം ഉറപ്പിച്ച ശേഷമായിരുന്നു രോഹിത് മൈതാനം വിട്ടത്. അര്ദ്ധ സെഞ്ച്വറി രോഹിത് തന്നെയാണ് മത്സരത്തില് ഇന്ത്യയുടെ ടോപ് സ്കോറര്. ബോളില് മൂന്ന് സിക്സിന്റെയും നാല് ഫോറിന്റെയും അകമ്പടിയില് റണ്സെടുത്തു.
ഇന്ത്യയുടെ ഇന്നിംഗ്സില് 11-ാം ഓവറിലെ ആദ്യ പന്തില് ഋഷഭ് പന്തും രോഹിത്തിന് സമാനമായ രീതില് ഏറുകൊണ്ടു. ആ പന്തും ജോഷ് ലിറ്റില് തന്നെയായിരുന്നു എറിഞ്ഞത്. എന്നിരുന്നാലും, ഫിസിയോയില്നിന്ന് കുറച്ച് ചികിത്സയ്ക്ക് ശേഷം പന്ത് തന്റെ ഇന്നിംഗ്സ് തുടരുകയും ഒരു സിക്സറോടെ മത്സരം അവസാനിപ്പിക്കുകയും ചെയ്തു.