ഇംഗ്ലണ്ട് ഹിറ്റ് ഓള്റൗണ്ടര് ബെന് സ്റ്റോക്സ് തന്റെ ഫിറ്റ്നസില് ശ്രദ്ധ കേന്ദ്രീകരിക്കുന്നതിനായി വെസ്റ്റ് ഇന്ഡീസിലും യുഎസ്എയിലും നടക്കാനിരിക്കുന്ന ടി20 ലോകകപ്പില് നിന്ന് പിന്മാറി. ഇംഗ്ലണ്ടിനെ കിരീടത്തിലേക്ക് നയിക്കാന് ഓസ്ട്രേലിയയില് നടന്ന മുന് പതിപ്പിന്റെ ഫൈനലില് പുറത്താകാതെ ഫിഫ്റ്റി അടിച്ച സ്റ്റോക്സ്, വീണ്ടും ബൗള് ചെയ്യുന്നതിനായി പൂര്ണ്ണ ഫിറ്റ്നസ് വീണ്ടെടുക്കാന് ആഗ്രഹിക്കുന്നുവെന്നും അതിനാല് ലോകകപ്പ് തിരഞ്ഞെടുപ്പിനായി തന്നെ പരിഗണിക്കരുതെന്നും ഇസിബിയോട് ആവശ്യപ്പെട്ടു.
കാല്മുട്ടിന് പരിക്കേറ്റ സ്റ്റോക്സ് ഓസ്ട്രേലിയയ്ക്കെതിരായ അവസാന മൂന്ന് ആഷസ് ടെസ്റ്റുകളില് ബോള് ചെയ്തില്ല. നേരത്തെ ഏകദിന വിരമിക്കല് പ്രഖ്യാപിച്ച താരം എന്നാല് ഇന്ത്യയില് ലോകകപ്പ് കളിക്കാന് തിരിച്ചുവന്നു. പക്ഷേ ടൂര്ണമെന്റില് താരം ബാറ്റിംഗ് മാത്രമാണ് ചെയ്തത്. ഒടുവില്, 32-കാരന് ടൂര്ണമെന്റ് പൂര്ത്തിയാക്കിയതിന് ശേഷം ശസ്ത്രക്രിയയ്ക്ക് വിധേയനായി, ഇന്ത്യയിലെ ടെസ്റ്റ് പരമ്പരയില് തിരിച്ചെത്തി.
പരമ്പരയില് ധര്മ്മശാലയില് നടന്ന അവസാന ടെസ്റ്റ് മത്സരത്തില് മാത്രമാണ് സ്റ്റോക്സ് പന്തെറിഞ്ഞത്. വെസ്റ്റ് ഇന്ഡീസിനും ശ്രീലങ്കയ്ക്കുമെതിരായ ഇംഗ്ലണ്ടിന്റെ ഹോം സമ്മര് സമയത്ത് തനിക്ക് പന്തെറിയാന് ഓള്റൗണ്ടറായി മടങ്ങിവരാന് സ്റ്റോക്ക്സ് ഇപ്പോള് കൗണ്ടി ചാമ്പ്യന്ഷിപ്പിലേക്കാണ് ഉറ്റുനോക്കുന്നത്.
ക്രിക്കറ്റിന്റെ എല്ലാ ഫോര്മാറ്റുകളിലും ഓള്റൗണ്ടര് എന്ന നിലയില് പൂര്ണ്ണമായ റോള് നിറവേറ്റുന്നതിനായി താന് കഠിനാധ്വാനം ചെയ്യുകയും ബോളിംഗ് ഫിറ്റ്നസ് വീണ്ടെടുക്കുന്നതില് ശ്രദ്ധ കേന്ദ്രീകരിക്കുകയും ചെയ്യുകയാണെന്ന് സ്റ്റോക്സ് പറഞ്ഞു.
ജൂണ് നാലിന് ബാര്ബഡോസില് സ്കോട്ട്ലന്ഡിനെതിരെയാണ് ഇംഗ്ലണ്ട് തങ്ങളുടെ കിരീട പ്രതിരോധം ആരംഭിക്കുക. ഓസ്ട്രേലിയ, ഒമാന്, നമീബിയ എന്നിവയും അവരുടെ ഗ്രൂപ്പിലുണ്ട്.