തുടര്ച്ചയായി സെഞ്ച്വറികളുമായി ടി20യിലെ ഓപ്പണിംഗ് റോള് ഭംഗിയാക്കുന്ന സഞ്ജു സാംസണെ ആ പൊസിഷനില് തുടര്ന്നും കാണാനാകുമോ എന്ന കാര്യത്തില് വ്യക്തത വരുത്തി ഇന്ത്യന് ടി20 നായകന് സൂര്യകുമാര് യാദവ്. ഓപ്പണര് റോളില് തുടരുക സഞ്ജുവിന് പ്രയാസമായിരിക്കുമെന്ന് സൂര്യകുമാര് യാദവ് പറഞ്ഞു.
സഞ്ജു സാംസണിന്റെ ഓപ്പണര് റോള് സ്ഥിരമാകുന്നതിനെക്കുറിച്ച് ഞാന് ഇതുവരെ ചിന്തിച്ചിട്ടില്ല. ഇപ്പോഴത്തെ സമയത്തില് ജീവിക്കുകയെന്നതാണ് എനിക്കിഷ്ടം. ഇപ്പോഴത്തെ പരമ്പരയില് മാത്രം ശ്രദ്ധിക്കാനാണ് ആഗ്രഹിക്കുന്നത്. സഞ്ജുവിനെ സ്ഥിരമായി ഓപ്പണറാക്കുന്ന കാര്യം പരിശീലകരോടൊപ്പമിരുന്ന് തീരുമാനിക്കേണ്ട കാര്യമാണ്.
എന്നാല് ഇത് വലിയ തലവേദന നല്കുന്നതും പ്രയാസമുള്ളതുമായ കാര്യമാണ്. 20-25 താരങ്ങളില് നിന്ന് 15 അംഗ ടീമിനെ തിരഞ്ഞെടുക്കുകയെന്നത് വലിയ തലവേദനയാണ്. എന്നാല് ഭാഗ്യവശാല് ഈ തലവേദന സെലക്ടര്മാര്ക്കും പരിശീലകര്ക്കുമാണുള്ളത്- സൂര്യകുമാര് പറഞ്ഞു.
നാട്ടില് നടന്ന പരമ്പരയില് ബംഗ്ലാദേശിനെതിരേ സഞ്ജു ഒരു സെഞ്ച്വറി നേടിയപ്പോള് ദക്ഷിണാഫ്രിക്കയ്ക്കെതിരേ രണ്ട് സെഞ്ച്വറിയും നേടി. എന്നാല് ദക്ഷിണാഫ്രിക്കന് പരമ്പരയില് രണ്ട് ഡക്കും താരം രേഖപ്പെടുത്തി.