രാജ്യത്തെ യുവ ക്രിക്കറ്റ് താരങ്ങളുടെ വികസനത്തേക്കാൾ ചാമ്പ്യൻസ് ട്രോഫി ഏകദിന ടൂർണമെന്റിന് മുൻഗണന നൽകിയതിന് പാകിസ്ഥാൻ ക്രിക്കറ്റ് ബോർഡിനെ (പിസിബി) മുൻ പാകിസ്ഥാൻ വിക്കറ്റ് കീപ്പർ കമ്രാൻ അക്മൽ വിമർശിച്ചു. ടൂർണമെൻ്റ് സമയം പാഴാക്കലാണെന്നും വരാനിരിക്കുന്ന പ്രതിഭകൾക്ക് അവസരം നൽകുന്നതിൽ ക്രിക്കറ്റ് ബോർഡ് ശ്രദ്ധ കേന്ദ്രീകരിക്കണമെന്നും ഇന്ത്യയുടെ രീതികൾ പിന്തുടരണമെന്നും അക്മൽ പറഞ്ഞു.
ദുലീപ് ട്രോഫിയിലെ ആദ്യ മത്സരത്തിലെ മുഷീർ ഖാൻ്റെ പ്രകടനത്തെക്കുറിച്ചും അക്മൽ സംസാരിച്ചു. ഇന്ത്യ എയ്ക്കെതിരെ ഇന്ത്യ ബിയ്ക്കായി യുവ ഇന്ത്യൻ ബാറ്റർ തകർപ്പൻ സെഞ്ച്വറി നേടിയിരുന്നു. അത്തരം കഴിവുള്ള ഇന്ത്യൻ ക്രിക്കറ്റ് താരങ്ങൾ മികച്ച ബൗളർക്കെതിരെ നന്നായി കളിക്കുമെന്നും പാകിസ്ഥാന് സമാനമായ മാതൃക ആരംഭിക്കാൻ കഴിയുമെന്നും കമ്രാൻ പരാമർശിച്ചു.
“ഐസിസി ടെസ്റ്റ് റാങ്കിംഗിൽ പാകിസ്ഥാൻ എട്ടാം സ്ഥാനത്താണ്. ബംഗ്ലാദേശിനെതിരായ പരമ്പര തോൽവിക്ക് ശേഷം നമ്മൾ സംസാരിക്കുന്നത് റെഡ് ബോൾ ക്രിക്കറ്റിനെ കുറിച്ചാണ്. മറുവശത്ത്, ഞങ്ങൾക്ക് ചാമ്പ്യൻസ് ഏകദിന കപ്പ് വരാനിരിക്കുന്നു. ഇതാണോ ശരിയായ സമയം?” മാധ്യമപ്രവർത്തകരിൽ ഒരാൾ കമ്രാൻ അക്മലിനോട് ചോദിച്ചു.
അദ്ദേഹം പറഞ്ഞ മറുപടി ഇങ്ങനെയാണ്- ” ഈ ടൂർണമെൻ്റോടെ പാകിസ്ഥാൻ ക്രിക്കറ്റ് അതിൻ്റെ ഏറ്റവും മികച്ച നിലയിലേക്ക് തിരിച്ചെത്തുമെന്നും ടെസ്റ്റ് പരമ്പരയിൽ ഞങ്ങൾ ഇംഗ്ലണ്ടിനെ എളുപ്പത്തിൽ തോൽപ്പിക്കുമെന്നും പിസിബി ചെയർമാൻ മൊഹ്സിൻ നഖ്വി കരുതുന്നു. ഈ ടൂർണമെൻ്റിൽ നിന്ന് പാകിസ്ഥാന് പുതിയ മാച്ച് വിന്നർമാരെ ലഭിക്കുമെന്നും പാകിസ്ഥാൻ ക്രിക്കറ്റ് ഉയരുമെന്നും ഞങ്ങളുടെ ഉപദേഷ്ടാക്കൾ കരുതുന്നു, ”കമ്രാൻ അക്മൽ മറുപടി പറഞ്ഞു.
പിസിബിയുടെ തീരുമാനങ്ങൾ എടുക്കുന്നവരെ അക്മൽ ആഞ്ഞടിച്ചു. “ചാമ്പ്യൻസ് ട്രോഫി എന്നാൽ പണവും സമയവും പാഴാക്കലാണ്. ഇത് പാക്കിസ്ഥാനിലെ ക്രിക്കറ്റിനെ നശിപ്പിക്കും, നമ്മുടെ രാജ്യത്ത് ആളുകൾക്ക് കായികരംഗത്തോടുള്ള താൽപര്യം നഷ്ടപ്പെടാൻ തുടങ്ങും, ”അദ്ദേഹം കൂട്ടിച്ചേർത്തു.
2024-ലെ ദുലീപ് ട്രോഫിയിലെ പ്രകടനത്തിന് മുഷീർ ഖാനെ അക്മൽ അഭിനന്ദിച്ചു. “മുഷീർ ഖാൻ 181 റൺസ് സ്കോർ ചെയ്തു. പിസിബി ഉദ്യോഗസ്ഥരെ ഒരു മുറിയിൽ അടച്ചിടണം, ദുലീപ് ട്രോഫിയിൽ നിന്ന് മുഷീർ ഖാന്റെ പ്രകടനം ആരെങ്കിലും അവരെ കാണിക്കണം. കളിക്കാരെ ഉണ്ടാക്കുന്നത് ഇങ്ങനെയാണെന്ന് അവരോട് പറയുക.” അക്മൽ രോഷത്തിൽ തന്നെ പറഞ്ഞു അവസാനിപ്പിച്ചു.