ഇന്ത്യന് ക്രിക്കറ്റിന്റെ ഭാവി താരമായി വളര്ന്നു വരുന്ന കളിക്കാരനാണ് യുവ ഓപ്പണര് ശുഭ്മാന് ഗില്. കളത്തിനകത്ത് എന്നതുപോലെ കളത്തിനു പുറത്തും ഗില് സംസാരമാണ്. ഗോസിപ്പ് കോളങ്ങളില് ഗില്ലിന്റെ പേര് ഇടക്കിടെ പ്രത്യക്ഷപ്പെടാറുണ്ട്. സച്ചിന് ടെണ്ടുല്ക്കറുടെ മകള് സാറയുമായും സെയ്ഫ് അലി ഖാന്റെ മകള് സാറയുമായും ഗില് പ്രണയത്തിലാണെന്ന റിപ്പോര്ട്ടുകള് ഇതിനോടകം തന്നെ സജീവമായിരുന്നു. അതിനൊപ്പമാണ് അടുത്തിടെ നടി രശ്മി മന്ദാനയുടെ പേരും ഇടംപിടിച്ചത്.
രശ്മികയുമായി ഗില് പ്രണയത്തിലാണോ?, എന്നാല് ഇരുവരും തമ്മില് അത്തരമൊരു ബന്ധമില്ലെന്നതാണ് വസ്തുത. ഇരുവരുടെയും പ്രണയ വാര്ത്തകള് ഗില്ലിന്റെ അഭിമുഖത്തില് നിന്നുള്ള വാക്കുകളെ വളച്ചൊടിച്ചതാണെന്ന് പറയാം. വാര്ത്തകള് വ്യാപകമായി പ്രത്യക്ഷപ്പെട്ടതോടെ രഷ്മികയുമായി പ്രണയത്തിലാണെന്ന റിപ്പോര്ട്ടുകളെ പൂര്ണ്ണമായും തള്ളി താരം തന്നെ രംഗത്തുവന്നിരുന്നു.
അഭിമുഖത്തില് ചോദ്യത്തോട് പ്രതികരിക്കുക മാത്രമാണ് ചെയ്തതെന്നും അല്ലാതെ തനിക്ക് ഇതുമായി ബന്ധപ്പെട്ട് ഒന്നുമറിയില്ലെന്നും ഗില് വ്യക്തമാക്കി. രശ്മികയാകട്ടെ ഇക്കാര്യം അറിഞ്ഞ ഭാവം പോലും നടിച്ചിട്ടില്ല. ഒരു പ്രതികരണവും ഇക്കാര്യത്തില് നടി നടത്തിയില്ല.
സച്ചിന്റെ മകള് സാറയുമായുള്ള പ്രണയ റിപ്പോര്ട്ടുകളെ ഗില് നേരത്തെ തള്ളിയിരുന്നു. ഇത് വസ്തുതയല്ലെന്ന് പറയുമ്പോഴും രണ്ട് പേരും ഒരുമിച്ച് ഡേറ്റിംഗ് തുടരുന്നുണ്ടെന്നതാണ് സത്യം. മുംബൈയിലെ റെസ്റ്റോറന്റില് വെച്ചുള്ള ചിത്രം ഇരുവരും ഇന്സ്റ്റഗ്രാമില് പങ്കുവെച്ചത് വൈറലായി മാറിയിരുന്നു.
എന്നാല് സേയ്ഫ് അലി ഖാന്റെ മകള് സാറയുമായുള്ള പ്രണയ വാര്ത്തകളെ ഗില് നിഷേധിച്ചിട്ടില്ല. പഞ്ചാബ് ഷോയില് വെച്ച് പ്രണയത്തെക്കുറിച്ച് ചോദിച്ചപ്പോള് സാറയുമായുള്ള പ്രണയം തള്ളാതെയാണ് താരം സംസാരിച്ചത്.