ബംഗ്ലാദേശിനെതിരെ ടി20 പരമ്പരയ്ക്കായി ഇന്ത്യന്‍ ടീമിനെ പ്രഖ്യാപിച്ചപ്പോള്‍ മലയാളി ക്രിക്കറ്റ് ആരാധകരെല്ലാം ആവേശത്തോടെ കാത്തിരുന്ന ആ ചോദ്യത്തിന് ഉത്തരം ലഭിച്ചു. സഞ്ജു സാംസണ്‍ ഇന്ത്യന്‍ ടീമില്‍ തിരിച്ചെത്തി എന്നതായിരുന്നു അത്. ടീം പ്രഖ്യാപന വേളയില്‍ സഞ്ജുവിനെ എന്തിന് ടീമിലെടുത്തു എന്നും സെലക്ടര്‍മാര്‍ വിശദീകരിക്കുകയും ചെയ്തു.
വിജയ് ഹസാരെ ട്രോഫിയിലേയും എ സീരിസിലേയും പ്രകടനങ്ങളാണ് തങ്ങളെ സഞ്ജുവിലേയ്ക്ക് ആകര്‍ഷിച്ചതെന്ന് മുഖ്യ സെലക്ടര്‍ എംഎസ്‌കെ പ്രസാദ് പറയുന്നു. സഞ്ജുവിന്റെ ഇപ്പോഴത്തെ പ്രകടനങ്ങള്‍ സ്ഥിരതയുള്ളതാണെന്നാണ് സെലക്ടര്‍മാരുടെ വിലയിരുത്തല്‍. നേരത്തെ ബാറ്റിംഗില്‍ സഞ്ജു ഇത്തരത്തില്‍ സ്ഥിരത പുലര്‍ത്തിയിരുന്നില്ലെന്നും പ്രസാദ് കൂട്ടിചേര്‍ത്തു.
നവംബര്‍ 11- നാണ് ഇന്ത്യ -ബംഗ്ലാദേശ് പരമ്പര ആരംഭിക്കുന്നത്. മൂന്ന് ട്വന്റി-ട്വന്റികളാണ് പരമ്പരയില്‍ ഉള്‍പ്പെടുത്തിയിരിക്കുന്നതത്. കോഹ്ലിയ്ക്ക് വിശ്രമം അനുവദിച്ച പരമ്പരയില്‍ രോഹിത്ത് ശര്‍മ്മയാണ് ഇന്ത്യന്‍ ടീമിനെ നയിക്കുക. സഞ്ജുവിനെ കൂടാതെ വിക്കറ്റ് കീപ്പറായി റിഷഭ് പന്തും ഇന്ത്യന്‍ ടീമിലുണ്ട്.
ഇന്ത്യന്‍ ടീം; രോഹിത് ശര്‍മ, ശിഖര്‍ ധവാന്‍, കെ.എല്‍.രാഹുല്‍, സഞ്ജു സാംസണ്‍, ശ്രേയസ് അയ്യര്‍, മനീഷ് പാണ്ഡെ, റിഷഭ് പന്ത്, വാഷിങ്ടന്‍ സുന്ദര്‍,ക്രുണാല്‍ പാണ്ഡ്യ, യുസ്വേന്ദ്ര ചഹല്‍, രാഹുല്‍ ചഹാര്‍, ദീപക് ചഹാര്‍, ശിവം ദുബെ, ഖലീല്‍ അഹമ്മദ്, ഷര്‍ദുല്‍ താക്കൂര്‍