ന്യുസിലാൻഡിനെതിരെ നടന്ന മൂന്നാം ടി-20 മത്സരത്തിൽ ഇന്ത്യ 8 വിക്കറ്റിനു വിജയിച്ചിരുന്നു. ഇതോടെ പരമ്പര ഇന്ത്യ സ്വന്തമാക്കി. ആദ്യം ബാറ്റ് ചെയ്ത ന്യുസിലാൻഡ് 20 ഓവറിൽ 153 റൺസ് നേടി. എന്നാൽ മറുപടി ബാറ്റിംഗിൽ ഓപണർ അഭിഷേക് ശർമ്മയുടെയും ഇഷാൻ കിഷന്റെയും, സൂര്യകുമാർ യാദവിന്റെയും തകർപ്പൻ പ്രകടനത്തിൽ ഇന്ത്യ 10 ഓവറിൽ വിജയ സ്കോർ മറികടന്നു.
ന്യുസിലാൻഡ് ബാറ്റർമാർക്ക് മോശമായ സമയമാണ് ഇന്ത്യൻ ബോളർമാർ കൊടുത്തത്. ജസ്പ്രീത് ബുംറ 3 വിക്കറ്റുകളും, രവി ബിഷനോയ്, ഹാർദിക് പാണ്ട്യ എന്നിവർ രണ്ട് വിക്കറ്റുകളും വീതവും, ഹർഷിത് റാണ ഒരു വിക്കറ്റും നേടി. ബാറ്റിംഗിൽ അഭിഷേക് ശർമ്മ 20 പന്തിൽ 7 ഫോറും 5 സിക്സും അടക്കം 68* റൺസാണ് താരം നേടിയത്. കൂടാതെ സൂര്യകുമാർ യാദവ് 26 പന്തിൽ 3 സിക്സും 6 ഫോറും അടക്കം 57 റൺസും, 13 പന്തിൽ 2 സിക്സും 3 ഫോറും അടക്കം 28 റൺസും നേടി ഇഷാൻ കിഷനും മികച്ച പ്രകടനം കാഴ്ച വെച്ചു.
മലയാളി ആരാധകർക്ക് വീണ്ടും നിരാശ സമ്മാനിച്ച് സഞ്ജു സാംസൺ. താരം അടുപ്പിച്ച് മൂന്നു കളിയിലും മോശമായ പ്രകടനമാണ് നടത്തിയത്. ഇപ്പോഴിതാ സഞ്ജുവിന് മുന്നറിയിപ്പ് നൽകി രംഗത്ത് എത്തിയിരിക്കുകയാണ് മുൻ ഇന്ത്യൻ താരം ക്രിഷ്ണമാചാരി ശ്രീകാന്ത്.
‘സഞ്ജു നിർഭാഗ്യവനാണ്. ഇഷാൻ കിഷനെ ഇനി ഒഴിവാക്കാൻ കാരണങ്ങളൊന്നുമില്ല. തിലക് വർമ തിരിച്ചെത്തുന്നതോടെ സഞ്ജുവിന് മാറിക്കൊടുക്കേണ്ടി വരും. ഇഷാൻ ഒരു വിക്കറ്റ് കീപ്പർ ബാറ്റർ കൂടെയാണെന്ന കാര്യം മറന്ന് പോവരുത്’
‘സ്ഥിരതയില്ലായ്മയാണ് സഞ്ജുവിന്റെ പ്രശ്നം. സഞ്ജു ഒരു സെഞ്ച്വറി നേടിയാൽ അടുത്ത മത്സരങ്ങളിൽ ഫോം ഔട്ടായിരിക്കും. കഴിഞ്ഞ ഒന്നര വർഷത്തെ പ്രകടനങ്ങൾ എടുത്ത് നോക്കിയാൽ പോലും സഞ്ജുവിന്റെ ഗ്രാഫ് ഉയർന്നും താഴ്ന്നും ഇരിക്കുന്നത് കാണാം. ദക്ഷിണാഫ്രിക്കക്ക് എതിരെ സെഞ്ച്വറി നേടിയിട്ട് ഒന്നര വർഷത്തിലേറെയായി’ ശ്രീകാന്ത് കൂട്ടിച്ചേർത്തു.