കേരള ക്രിക്കറ്റ് അസോസിയേഷൻ സംഘടിപ്പിക്കുന്ന രണ്ടാമത് കെസിഎ ടിസിഎം പ്രസിഡൻൻസ് കപ്പിനുളള ടീമുകളെ പ്രഖ്യാപിച്ചു. സഞ്ജു സാംസൺ ഉൾപ്പടെ ഉള്ള താരങ്ങൾ പങ്കെടുക്കുന്ന ടൂർണമെന്റിൽ ടീമുകളെയും നായകന്മാരെയുമാണ് കേരള ക്രിക്കറ്റ് അസോസിയേഷൻ പ്രഖ്യാപിച്ചത്.
കെസിഎ ഈഗിൾസ്, കെസിഎ ലയൺസ്, കെസിഎ പാൻതേഴ്‌സ്, കെസിഎ റോയൽ, കെസിസി ടൈഗേഴ്‌സ് എന്നീ ടീമുകളാണ് ടൂർണമെന്റിൽ കളിക്കുന്നത്. കേരളത്തിൽ നിന്ന് വളർന്നുവരുന്ന ക്രിക്കറ്റ് താരങ്ങൾക്ക് കൂടുതൽ നല്ല അവസരം നൽകുക എന്ന ആശയത്തിൽ തുടങ്ങിയ ടൂർണമെന്റിന്റെ ആദ്യ എഡിഷനിൽ കെസിഎ ലയൺസ് ടീമാണ് വിജയിച്ചത്.
സഞ്ജു സാംസൺ ഇതിൽ കെസിഎ ടൈഗേഴ്‌സ് ടീമിന്റെ നായകനാണ്. ടൂർണമെന്റിൽ സഞ്ജുവിന് എപ്പോൾ കളത്തിൽ ഇറങ്ങാൻ സാധിക്കുമെന്ന കാര്യത്തിൽ ഇതുവരെ സ്ഥിതീകരണം വന്നിട്ടില്ല. ഏഷ്യ കപ്പ് ടൂർണമെന്റ് നടക്കുമ്പോൾ ടീമിൽ ബാക്കപ്പാണ് സഞ്ജു സാംസൺ. എന്തായാലും സഞ്ജു കളിക്കുമെന്നാണ് പ്രതീക്ഷിക്കുന്നത്.
ആലപ്പുഴയിലെ സനാതന ധർമ്മ കോളേജ് ഗ്രൗണ്ടിൽ നടക്കുന്ന ടൂർണമെന്റിൽ എല്ലാ ടീമുകളും പരസ്പരം രണ്ടുവട്ടം ഏറ്റുമുട്ടും. ഏറ്റവും കൂടുതൽ മത്സരങ്ങൾ ജയിക്കുന്ന ടീമുകൾ ഫൈനൽ കളിക്കും. മത്സരം ഫാൻകോഡ് ആപ്പിലൂടെ കാണാൻ സാധിക്കും.
