ഐപിഎല്ലിനിടെയുണ്ടായ മങ്കാദിംഗ് വിവാദത്തെ കുറിച്ച് പ്രതികരിച്ച് രാജസ്ഥാന് റോയല്‍സിന്റെ മലയാളി താരം സഞ്ജു സാംസണ്‍. മങ്കാദിംഗിലൂടെ എതിര്‍ താരത്തെ പുറത്താക്കിയ അശ്വിന്‍ ചെയ്തത് മോശം കാര്യമല്ലെന്നാണ് സഞ്ജു പറയുന്നത്.
പന്ത് ബൗളറുടെ കൈയില്‍ നിന്നും വിട്ട ശേഷം മാത്രമേ ബാറ്റ്‌സ്മാന്‍ ക്രീസില്‍ നിന്നും പുറത്തു വരാന്‍ പാടുള്ളൂവെന്നും അത് ബാറ്റ്‌സ്മാന്‍ ശ്രദ്ധിക്കേണ്ട കാര്യമാണെന്നുമാണ് സഞ്ജു പറയുന്നത്. ധാര്‍മ്മികമായി ചിന്തിച്ചപ്പോള്‍ തെറ്റാണെന്ന് തോന്നിയിരുന്നെങ്കിലും ക്രിക്കറ്റ് നിയമങ്ങള്‍ പ്രകാരം മാങ്കാദിംഗ് തെറ്റല്ലെന്നും സഞ്ജു പറഞ്ഞു.
ഐപിഎല്‍ മത്സരത്തിനിടെയാണ് രാജസ്ഥാന് റോയല്‍സിന്റെ ബട്ട്‌ലറിനെ അശ്വിന്‍ മങ്കാദിംഗിലൂടെ പുറത്താക്കിയത്. 43 പന്തില്‍ നിന്ന് പത്ത് ഫോറും രണ്ട് സിക്സും ഉള്‍പ്പെടെ 69 റണ്‍സെടുത്തു നില്‍ക്കുമ്പോഴാണ് ബട്ട്‌ലറിനെ അശ്വിന്‍ മങ്കാദിംഗിലൂടെലൂടെ പുറത്താക്കിയത്. ഇതോടെ, അനായാസ ജയത്തിലേക്ക് കുതിച്ച രാജസ്ഥാന് മത്സരം നഷ്ടപ്പെടുകയായിരുന്നു.