രഞ്ജി ട്രോഫിയില് ജാര്ഖണ്ഡിനെതിരെ കേരള ക്യാപ്റ്റന് സഞ്ജു സാംസണ് അര്ദ്ധ സെഞ്ച്വറി. ഏകദി ശൈലിയില് ബാറ്റു വീശിയ സഞ്ജു 108 പന്തില് 72 റണ്സെടുത്തു. ഏഴ് സിക്സും നാല് ഫോറും അടങ്ങുന്നതായിരുന്നു സഞ്ജുവിന്റെ ഇന്നിംഗ്സ്.
ഒടുവില് വിവരം ലഭിക്കുമ്പോള് കേരളം ആറിന് 233 എന്ന നിലയിലാണ്. അക്ഷയ് ചന്ദ്രന് (23), സിജോമോന് ജോസഫ് (5) എന്നിവരാണ് ക്രീസില്. രോഹന് പ്രേം (79) രോഹന് കുന്നുമ്മല് (50) സഖ്യം മികച്ച തുടക്കമാണ് കേരളത്തിന് നല്കിയത്. ഇരുവരും ഓപ്പണിംഗ് വിക്കറ്റില് 90 റണ്സ് കൂട്ടിചേര്ത്തു.
പിന്നീടെത്തിയ ഷോണ് ജോര്ജ് (1), സച്ചിന് ബേബി (0) എന്നിവര്ക്ക് തിളങ്ങാനായില്ല. ഇതോടെ കേരളം മൂന്നിന് 98 എന്ന നിലയിലായി. അഞ്ചാമനായി ടീമിലെത്തിയ സഞ്ജുവിന്റെ ബാറ്റിംഗാണ് സ്കോര് ബോര്ഡ് 200 കടത്തിയത്. ജാര്ഖണ്ഡിന് വേണ്ടി ഷഹ്ബാസ് നദീം മൂന്നും ഉത്കര്ഷ് സിംഗ് രണ്ടും വിക്കറ്റ് വീഴ്ത്തി.
കേരള ടീം: രോഹന് പ്രേം, രോഹന് കുന്നുമ്മല്, ഷോണ് ജോര്ജ്, സച്ചിന് ബേബി, സഞ്ജു സാംസണ് (ക്യാപ്റ്റന് / വിക്കറ്റ് കീപ്പര്), അക്ഷയ് ചന്ദ്രന്, വൈശാഖ് ചന്ദ്രന്, ബേസില് തമ്പി, സിജോമോന് ജോസഫ്, ജലജ് സക്സേന, എഫ് ഫനൂസ്.