ഏകദിന ക്രിക്കറ്റിന്റെ ചരിത്രത്തിലെ എക്കാലത്തെയും മികച്ച താരം ആരെന്ന് പറഞ്ഞ് ഇംഗ്ലണ്ട് യുവതാരം ഹാരി ബ്രൂക്ക്. ക്രിക്കറ്റിലെ എക്കാലത്തയും മഹാനായ താരം സച്ചിന് ടെണ്ടുല്ക്കറെ മറികടന്ന് ഇന്ത്യയുടെ തന്നെ വിരാട് കോഹ്ലിയാണ് ബ്രൂക്ക് ഏകദിനത്തിലെ നമ്പര് വണ് ആയി തിരഞ്ഞെടുത്തത്.
ഏകദിന ക്രിക്കറ്റിലെ എക്കാലത്തയും മഹാനായ താരം വിരാട് കോഹ്ലിയാണ്. വലിയൊരു ഇന്നിംഗ്സിനെ അദ്ദേഹം പടുത്തുയര്ത്തുന്ന രീതിയും റണ്ണിനായി വിക്കറ്റുകള്ക്കിടയിലൂടെയുള്ള ഓട്ടവുമെല്ലാമാണ് ഇതിനു കാരണം.
ലോകത്തിലെ ബെസ്റ്റ് കോഹ്ലി തന്നെയാണെന്നു ഞാന് കരുതുന്നു. അദ്ദേഹം ഇന്നിംഗ്സ് പടുത്തുയര്ത്തുന്നത് നിങ്ങള് കണ്ടിട്ടുണ്ടാവും. കോഹ്ലി കളിച്ചിട്ടുള്ള ചില ഇന്നിംഗ്സുകള് അതിശയിപ്പിക്കുന്നതാണ്- ബ്രൂക്ക് വ്യക്തമാക്കി.
ലോകകപ്പില് മുംബൈയിലെ വാംഖഡെയില് നടന്ന സെമി ഫൈനലില് കരിയറിലെ 50ാം സെഞ്ച്വറി കണ്ടെത്തിയ കോഹ്ലി ദീര്ഘകാലം ഇളക്കം തട്ടാതെ നിന്ന സച്ചിന്റെ (49 സെഞ്ച്വറി) ലോക റെക്കോര്ഡ് തിരുത്തിയിരുന്നു.