സമീപകാലത്ത് ഇന്ത്യന്‍ ക്രിക്കറ്റില്‍ ഇത്രയേറെ വാര്‍ത്തകളില്‍ ഇടംപിടിച്ച മറ്റ് താരങ്ങളില്ല. ഇന്ത്യന്‍ ക്രക്കറ്റ് ടീമിന്റെ കപ്പിത്താന്‍മാരാണ് ഇരുവരുമെന്നത് ഏറെ ശ്രദ്ധേയമായ കാര്യം. മറ്റാരുമല്ല വിരാട് കോഹ്‌ലിയുടേയും രോഹിത്ത് ശര്‍മയുടേയും കാര്യം തന്നെയാണ് പറഞ്ഞത്.
കോഹ്ലി- അനുഷ്‌ക വിവാഹം ഇന്ത്യയില്‍ മാത്രമല്ല അങ്ങ് ഇറ്റലിയില്‍വരെ കോളിളക്കം സൃഷ്ടിച്ചുവെങ്കില്‍ തന്റെ മൂന്നാമത്തെ ഡബിള്‍ സെഞ്ച്വറിയാണ് രോഹിത്തിനെ വാര്‍ത്തകളില്‍ നിറച്ചത്.
വിരാട് കൊഹ്ലിക്കും അനുഷ്‌ക ശര്‍മ്മക്കും വിവാഹ ശേഷം. ലോകത്തിന്റെ നാനാ ഭാഗത്ത് നിന്നും ആശംസകളുമായി സന്ദേശങ്ങള്‍ പ്രവഹിച്ചു. ഇതില്‍ ഇന്ത്യന്‍ നായകന്‍ രോഹിത്ത് ശര്‍മ്മ നല്‍കിയ ആശംസയും ഉണ്ടായിരുന്നു.
“രണ്ടു പേര്‍ക്കും അഭിനന്ദനങ്ങള്‍..വിരാടിനായി ഞാന്‍ ഹസ്ബന്റ് ഹാന്റ്ബുക്ക് കൈമാറാം, അനുഷ്‌ക തന്റെ സര്‍നെയിം നിലനിര്‍ത്തണം” ഇതായിരുന്നു രോഹിതിന്റെ ട്വീറ്റ്.രോഹിതിന്റെയും അനുഷ്‌കയുടെയും സര്‍നെയിം ശര്‍മ്മയെന്നാണ്. ഇതാണ് രോഹിത്ത് സൂചിപ്പിച്ചത്.
ഇതിന് മറുപടിയുമായി വിരാട് കോഹ്ലി എത്തിയതാണ് ഇപ്പോള്‍ ട്വിറ്ററില്‍ ചര്‍ച്ചാ വിഷയം. വിവാഹത്തിന്റെ ടിപ്പുകളടങ്ങിയ ഹാന്റ്ബുക്കിനൊപ്പം ഡബിള്‍ സെഞ്ച്വറി നേടാനായുള്ള ഹാന്റ്ബുക്ക്കൂടെ തരുമോ എന്നാണ് ഇന്ത്യന്‍ നായകന്‍ ചോദിച്ചിരിക്കുന്നത്. നിമിഷങ്ങള്‍ക്കകം കോഹ്‌ലിയുടെ ട്വീറ്റ് സമൂഹ മാധ്യമങ്ങളില്‍ വെെറലായി കഴിഞ്ഞു.