കൊല്ക്കത്ത നൈറ്റ് റൈഡേഴ്സിനെതിരായ മത്സരത്തില് ഫീല്ഡിങ്ങിനിടെ ജയ്സ്വാളിനോട് ചൂടായി നായകന് റിയാന് പരാഗ്. ഈഡന് ഗാര്ഡന്സില് നടക്കുന്ന മത്സരത്തില് ആദ്യ ബാറ്റിങ്ങില് 206 റണ്സാണ് കൊല്ക്കത്ത നേടിയത്. മത്സരത്തില് രാജസ്ഥാനായി നായകന് റിയാന് പരാഗും മൂന്ന് ഓവര് എറിഞ്ഞിരുന്നു. പരാഗ് എറിഞ്ഞ ഒരു ഓവറിനിടെയാണ് ജയ്സ്വാളിനോട് താരം ചൂടായത്.
പത്താം ഓവറില് അങ്കരീഷ് രഘുവംശി പരാഗ് എറിഞ്ഞ ബോള് ബൗണ്ടറിക്കായി അടിച്ചപ്പോള് ജയ്സ്വാള് അത് തടഞ്ഞിരുന്നു. എന്നാല് പന്ത് തിരിച്ച് ബോളറുടെയോ കീപ്പറുടെയോ കൈകളിലെത്തിക്കാന് ജയ്സ്വാള് വൈകി. ഇതേതുടര്ന്ന് പരാഗ് ജയ്സ്വാളിനോട് ദേശ്യപ്പെട്ട് എന്തോ പറയുകയാണ്. ഇതിന്റെ വീഡിയോ ഇപ്പോള് സോഷ്യല് മീഡിയയില് നിറയുകയാണ്.