ട്വന്റി20 ക്രിക്കറ്റ് ലോക കപ്പിനുള്ള ഇംഗ്ലണ്ട് ടീമില് ഓള് റൗണ്ടര് ബെന് സ്റ്റോക്സും പേസര് ജോഫ്ര ആര്ച്ചറും ഇടംപിടിക്കാത്തത് അപമാനകരമാണെന്ന് ബാറ്റര് ജാസണ് റോയ്. എങ്കിലും ഇംഗ്ലണ്ട് ടീം ബാറ്റിംഗിലും ബോളിംഗിലും ആഴമുള്ളതാണെന്നും റോയ് പറഞ്ഞു. പരിക്കേറ്റ ആര്ച്ചറും മാനസികാരോഗ്യം വീണ്ടെടുക്കാന് അവധിയെടുത്ത സ്റ്റോക്സും ലോക കപ്പ് കളിക്കില്ലെന്ന് ഉറപ്പിച്ചിരുന്നു.
്സ്റ്റോക്സിന്റെയും ആര്ച്ചറുടെയും അഭാവം ഒരു പ്രശ്നമാണെന്ന ഞാന് പറയില്ല. മറിച്ച് അത് അപമാനകരമാണ്. അങ്ങേയറ്റം ലജ്ജാവഹമാണ്. എങ്കിലും ഇരുവരും ആരോഗ്യവും കായികക്ഷമതയും വീണ്ടെടുക്കുന്ന വഴിയിലാണ്- ജാസണ് റോയ് പറഞ്ഞു.
ഇംഗ്ലണ്ട് ടീമില് മികച്ച താരങ്ങളുണ്ട്. ബാറ്റിംഗിലും ബോളിംഗിലും ആഴവും പരപ്പുമുണ്ട്. സന്നാഹ മത്സരങ്ങളില് ഇംഗ്ലണ്ട് കളിക്കാര് മികച്ച പ്രകടനം ഉറപ്പുവരുത്തി. അവര് കഠിനമായി പരിശീലനം നടത്തുന്നുണ്ട്. അതിനാല് ആശങ്കകള് ഇല്ലെന്നാണ് കരുതുന്നതെന്നും റോയ് പറഞ്ഞു.