ഐപിഎലിൽ ഇപ്പോൾ നടക്കുന്ന മത്സരത്തിൽ മോശമായ ഫീൽഡിങ് പ്രകടനവുമായി ഡൽഹി ക്യാപിറ്റൽസ്. നിരവധി ക്യാച്ച് അവസരങ്ങളാണ് താരങ്ങൾ പാഴാക്കിയത്. കുൽദീപ് യാദവ്, കരുൺ നായർ എന്നി സീനിയർ താരങ്ങളും മോശമായ ഫീൽഡിങ് പ്രകടനം നടത്തിയവരിൽ ഉൾപ്പെടുന്നു. താരങ്ങളുടെ മോശമായ ഫീൽഡിങ്ങിൽ വൻ ആരാധകരോഷമാണ് ഉയർന്നു വരുന്നത്.
പഞ്ചാബിനായി തകർപ്പൻ ബാറ്റിംഗ് പ്രകടനം പുറത്തെടുത്ത് ശ്രേയസ് അയ്യർ. 30 പന്തിൽ നിന്നായി 4 ഫോറും 2 സിക്‌സും അടങ്ങുന്നതായിരുന്നു താരത്തിന്റെ ഇന്നിങ്‌സ്. ഈ സീസണിൽ പഞ്ചാബിനായി തകർപ്പൻ പ്രകടനമാണ് നായകൻ ശ്രേയസ് അയ്യർ നടത്തുന്നത്. ബാറ്റിംഗിൽ ആയാലും ക്യാപ്റ്റൻസിയിൽ ആയാലും മികച്ച നേതൃത്വമാണ് താരം നടത്തുന്നത്.
ഇന്നത്തെ മത്സരത്തിൽ പഞ്ചാബ് കിങ്സിന് വിജയം അനിവാര്യമാണ്. ഇന്ന് വിജയിച്ചാൽ പോയിന്റ് പട്ടികയിൽ ഒന്നാം സ്ഥാനത്തെത്താൻ പഞ്ചാബിന് സാധിക്കും. ശ്രേയസ് അയ്യരിന്റെ കീഴിൽ തങ്ങളുടെ ആദ്യ ഐപിഎൽ കിരീടം നേടാനാകും എന്ന പ്രതീക്ഷയിലാണ് ആരാധകർ.
