ക്രിക്കറ്റ് ചരിത്രത്തിലെ തന്നെ എക്കാലത്തെയും മികച്ച ബോളർ ആരാണെന്ന് ചോദിച്ചാൽ എല്ലാവരും ഒരേ സ്വരത്തിൽ പറയുന്ന പേരാണ് ജസ്പ്രീത് ബുംറ. ക്രിക്കറ്റിൽ ഏത് ബോളറെയാണ് നേരിടുന്നതിൽ പ്രയാസകരം എന്ന് ചോദിച്ചാൽ എല്ലാവരും ബുംറയെ തിരഞ്ഞെടുക്കും. അത്രമേൽ പ്രഹരം ഏല്പിക്കാൻ കെല്പുള്ളവനാണ് ആ ഇതിഹാസം. പണ്ട് ബോളർമാരുടെ യുഗത്തിലേക്ക് ദൈവം സച്ചിൻ ടെണ്ടുൽക്കറെ അയച്ചു, കാലം മാറിയപ്പോൾ ബാറ്റ്‌സ്മാൻമാരുടെ യുഗത്തിലേക്ക് ദൈവം ജസ്പ്രീത് ബുംറയെ അയച്ചിരിക്കുകയാണ് എന്നാണ് ആരാധകർ പറയുന്നത്.
ഇന്ത്യക്ക് വേണ്ടി ജസ്പ്രീത് ബുംറ എന്ന ഇതിഹാസം ഇനി ചെയ്യാനായും തെളിയിക്കാനാണ് ഒന്നും തന്നെയില്ല. ഇപ്പോഴിതാ താരത്തിന് അർഹതപ്പെട്ട പുരസ്‌കാരം തേടിയെത്തിയിരിക്കുകയാണ്. ഐസിസി ടെസ്റ്റ് ക്രിക്കറ്റർ ഓഫ് ദി ഇയർ പുരസ്‌കാരം ജസ്പ്രീത് ബുംറ സ്വന്തമാക്കി. 2024 കലണ്ടർ വർഷത്തിൽ 14.92 ശരാശരിയിൽ 71 വിക്കറ്റുകളാണ്‌ താരം നേടിയത്.
കൂടാതെ മറ്റു പ്രധാന പുരസ്കാരങ്ങളായ ഐസിസി ടി 20 ക്രിക്കറ്റർ ആയി ഇന്ത്യൻ താരം അർശ്ദീപ് സിങ്ങിനെയും, ഐസിസി വിമൻസ് ഓഡിഐ ക്രിക്കറ്ററായി സ്‌മൃതി മന്ദനയെയും തിരഞ്ഞെടുത്തു.