വെസ്റ്റ് ഇൻഡീസ് പര്യടനത്തിൽ മികച്ച പ്രകടനമാണ് ടീം ഇന്ത്യ പുറത്തെടുത്തത്. ശിഖർ ധവാന്റെ നേതൃത്വത്തിൽ വിൻഡീസിനെതിരായ ഏകദിന പരമ്പര 3-0ന് സ്വന്തമാക്കിയപ്പോൾ, രോഹിത് ശർമ്മ നേതൃസ്ഥാനത്ത് തിരിച്ചെത്തി, നിലവിൽ അഞ്ച് മത്സരങ്ങളുടെ ടി20 ഐ പരമ്പരയിൽ ടീം 3-1ന് മുന്നിലാണ്. ടി20യിൽ നിരവധി താരങ്ങൾ ടീമിലേക്ക് മടങ്ങിയെങ്കിലും വിരാട് കോഹ്ലി, ജസ്പ്രീത് ബുംറ തുടങ്ങിയ കളിക്കാർക്ക് അധിക വിശ്രമം അനുവദിച്ചു.
കഴിഞ്ഞ കുറച്ച് മാസങ്ങളായികോഹ്ലി കടുത്ത പ്രതിസന്ധിയിലൂടെയാണ് കടന്നുപോകുന്നത്. കഴിഞ്ഞ മാസത്തെ ഇംഗ്ലണ്ട് പര്യടനത്തിൽ, എല്ലാ ഫോർമാറ്റുകളിലും ആറ് ഇന്നിംഗ്സുകളിൽ 20 റൺസ് കടക്കുന്നതിൽ കോഹ്ലി പരാജയപ്പെട്ടു, ഇത് അദ്ദേഹത്തിന്റെ നീണ്ട പോരാട്ടങ്ങളിൽ ആശങ്ക ഉയർത്തി. എന്നിരുന്നാലും, കോഹ്ലി വളരെയധികം “മാനസിക സമ്മർദ്ദം” എടുത്തിരുന്നുവെന്നും മികച്ച നിലയിലേക്ക് തിരിച്ചെത്താൻ ഒരു ഇടവേള ആവശ്യമാണെന്നും മുൻ പാകിസ്ഥാൻ ക്യാപ്റ്റൻ മുഹമ്മദ് ഹഫീസ് പറഞ്ഞു. നേരത്തെ, ഹസൻ അലി കടുത്ത മാനസിക സമ്മർദ്ദത്തിന് വിധേയനായതിനാൽ വളരെക്കാലം മുമ്പ് വിശ്രമം നൽകേണ്ടതായിരുന്നുവെന്ന് ഇതേ ഷോയിൽ ഹഫീസ് പറഞ്ഞിരുന്നു.
“കഴിഞ്ഞ 10 വർഷത്തെ ഏറ്റവും മികച്ച കളിക്കാരിലൊരാളാണ് വിരാട് കോലി. അവനും ഇതേ പ്രശ്നം നേരിടുന്നുണ്ടെന്ന് ഞാൻ കരുതുന്നു.. മാനസിക സമ്മർദ്ദം കൂടുതലായതിനാൽ അദ്ദേഹത്തിന് ഒരു ഇടവേള ആവശ്യമായിരുന്നു. ഈ പരമ്പരയിൽ വിരാടിന് വിശ്രമം നൽകാനുള്ള അവരുടെ തീരുമാനം അദ്ദേഹത്തിന് ഏറ്റവും നല്ലതാണ് , ”ഡോണിൽ ഹഫീസ് പറഞ്ഞു.
മുൻ ഇന്ത്യൻ ക്യാപ്റ്റനെ കുറിച്ച് കൂടുതൽ സംസാരിച്ച ഹഫീസ്, കഴിഞ്ഞ 2-3 വർഷത്തിനിടയിൽ കോഹ്ലിയുടെ “ഇമ്പാക്ട് ” നഷ്ടപ്പെട്ടുവെന്നും 2021 ടി20 ലോകകപ്പിൽ പാകിസ്ഥാനെതിരായ തന്റെ അർദ്ധ സെഞ്ച്വറി “മികച്ചതല്ലായിരുന്നു ” എന്നും ഹഫീസ് പറഞ്ഞു.
“വിരാട് കോഹ്ലി ഒരു ഇംപാക്ട് പ്ലെയറാണെന്ന് ഞാൻ കരുതുന്നു. കഴിഞ്ഞ 2-3 വർഷങ്ങളിൽ, ആ ഇമ്പാക്ട് ഉണ്ടായിരുന്നില്ലെന്ന് ഞങ്ങൾ കണ്ടു. കഴിഞ്ഞ വർഷം ടി20 ലോകകപ്പിൽ പാകിസ്ഥാനെതിരെ അദ്ദേഹം അർദ്ധ സെഞ്ച്വറി നേടിയപ്പോഴും, അതുകൊണ്ട് ഗുണം ഉണ്ടായില്ല. ഗുണം ഇല്ലെങ്കിൽ എത്ര അർദ്ധ സെഞ്ചുറി നേടിയിട്ട് എന്ത് കാര്യം ഹഫീസ് പറഞ്ഞു.
“ഓരോ കളിക്കാരനും ഒരു ഇടവേള ആവശ്യമാണ്. ഇന്ത്യൻ ബോർഡ് നല്ല തീരുമാനമെടുത്തു. ഒരു ഇംപാക്ട് പ്ലെയറാകാൻ ഈ ഇടവേള അവനെ സഹായിക്കും.