കെ എൽ രാഹുലിന്റെ മോശം ഫോം ഇന്ത്യൻ ക്രിക്കറ്റ് ടീമിന് മാത്രമല്ല ചില മുൻ ക്രിക്കറ്റ് താരങ്ങൾക്കും തലവേദനയായിട്ടുണ്ട്. വെങ്കിടേഷ് പ്രസാദിനെയും ആകാശ് ചോപ്രയെയും പോലുള്ളവർ സംവാദത്തിന്റെ രണ്ടറ്റത്തായിട്ടാണ് നിൽക്കുന്നത്. മുൻ ഓപ്പണിംഗ് ബാറ്ററെ ടീമിൽ നിന്ന് പുറത്താക്കണമെന്ന് വെങ്കിടേഷ് പ്രസാദ് ആവശ്യപ്പെട്ടപ്പോൾ ചോപ്ര രാഹുലിന് ഇനിയും അവസരം നല്കണം എന്നാണ് പറയുന്നത് . ഈ വിഷയത്തിൽ പ്രസാദും ചോപ്രയും ട്വിറ്ററിൽ കൊമ്പുകോർത്തിരുന്നു. ഒരു പടി മുന്നോട്ട് പോയി, പ്രസാദിന്റെ വിമർശനത്തെ പരിഹസിച്ച് ആകാശ് ചോപ്ര തന്റെ യുട്യൂബ് ചാനലിൽ വിശദമായ വീഡിയോ പോസ്റ്റ് ചെയ്തു. രാഹുലിന് മുകളിൽ ഗിൽ വരണം എന്ന അഭിപ്രായമാണ് പ്രസാദ് ആദ്യം മുതൽ ഉന്നയിക്കുന്നത്.
“അദ്ദേഹം (പ്രസാദ്) ശുഭ്മാന്റെ ഇന്ത്യയിലെ നമ്പറുകളെക്കുറിച്ച് എഴുതിയിട്ടില്ല. നിങ്ങൾ ശരാശരി നോക്കിയാൽ , അതിൽ അദ്ദേഹത്തിന്റെ ശരാശരി 26.3 ആണ്. നിങ്ങൾ ശുഭ്മാൻ ഗില്ലിനെ ശരാശരി ഉപയോഗിച്ച് വിലയിരുത്തരുതെന്നാണ് ഞാൻ പറയുന്നത്. അവൻ അവൻ ഒരു നല്ല കളിക്കാരനാണ്, , എന്നാൽ മറ്റുള്ളവർക്കും അതേ അളവുകോൽ ഉപയോഗിക്കുക.
“അദ്ദേഹം(ഗിൽ) 14 വിദേശ ഇന്നിംഗ്സുകൾ കാണിച്ചു, അതിൽ 37 ശരാശരിയുണ്ട്, അതിൽ അദ്ദേഹം(പ്രസാദ്) സൗകര്യപൂർവ്വം SENA രാജ്യങ്ങളെക്കുറിച്ച് സംസാരിച്ചില്ല. നമ്മൾ SENA മാത്രം കണ്ടാൽ, അവന്റെ നമ്പറുകളും അത്ര മികച്ചതായിരിക്കില്ല. കാരണം അവന്റെ എവേ ഇന്നിങ്സിൽ മികച്ചത് പിറന്നത് ബംഗ്ലാദേശിനെതിരെയാണ്. ചോപ്ര ഒരു വീഡിയോയിൽ പറഞ്ഞു.
ട്വിറ്ററിൽ മറ്റ് ചില കളിക്കാരുമായി കെഎൽ രാഹുലിന്റെ സ്റ്റാറ്റിസ്റ്റിക്കൽ താരതമ്യങ്ങൾ ചെയ്യുമ്പോൾ പ്രസാദ് കുറച്ച് പേരുകൾ എടുത്തുകാണിച്ചു. ശിഖർ ധവാൻ, മായങ്ക് അഗർവാൾ, ശുഭ്മാൻ ഗിൽ, അജിങ്ക്യ രഹാനെ തുടങ്ങിയവരെ രാഹുലിനേക്കാൾ മികച്ച റെക്കോർഡുകളുള്ള കളിക്കാരായി മുൻ ഇന്ത്യൻ പേസർ തിരഞ്ഞെടുത്തിരുന്നു. എന്നാൽ രാഹുലിന് മുകളിൽ അല്ല മായങ്കിന്റെയും ധവാന്റെയും കണക്കുകൾ എന്നും താരതമ്യം ചെയ്യുമ്പോൾ ഇരുവരുടെയും വിദേശ രാജ്യത്തുള്ള ശരാശരി രാഹുലിനേക്കാൾ കുറവാണെന്നും ചോപ്ര പറയുന്നു.
വീഡിയോയുടെ അവസാനം, ചോപ്ര പ്രസാദിനോട് ശാന്തനായിരിക്കാനും കണക്കുകൾ അതിന്റെ രീതിയിൽ കണ്ട് സംസാരിക്കാനും പറയുന്നു.
“കെ എൽ രാഹുൽ രോഹിത് ശർമ്മയെപ്പോലെയാകുമെന്ന് ഞാൻ പറയുന്നില്ല, പക്ഷേ ശാന്തത പാലിക്കാൻ ഞാൻ നിങ്ങളോട് വിനീതമായി അഭ്യർത്ഥിക്കുന്നു. എന്തെങ്കിലും അജണ്ടകൾ ഉണ്ടെങ്കിൽ, അവ ചവിട്ടിമെതിക്കരുത്. നിങ്ങളുടെ ചിന്തകൾക്ക് യോജിച്ചവയല്ല, യഥാർത്ഥത്തിൽ ഉള്ള സംഖ്യകളെക്കുറിച്ചാണ് സംസാരിക്കുക.” ചോപ്ര ഊന്നിപ്പറഞ്ഞു