അന്താരാഷ്ട്ര ക്രിക്കറ്റിൽ തൻ്റെ കഴിവ് തെളിയിക്കാനുള്ള അവസരങ്ങളുടെ ന്യായമായ പങ്ക് റുതുരാജ് ഗെയ്ക്വാദിന് ലഭിക്കുമെന്ന് ടീം ഇന്ത്യയുടെ ടി20 ഐ ക്യാപ്റ്റൻ സൂര്യകുമാർ യാദവ് ആത്മവിശ്വാസം പ്രകടിപ്പിച്ചു. ദക്ഷിണാഫ്രിക്കയിലെ ടി20 ഐ പരമ്പരയിലേക്ക് ഋതുരാജ് തിരഞ്ഞെടുക്കാത്തതിനെ കുറിച്ച് പ്രതികരിച്ച സൂര്യകുമാർ, തന്നെക്കാൾ മികവ് കാണിച്ച താരങ്ങളുണ്ടെന്നും മാനേജ്മെൻ്റ് നിലവിലുള്ള ഒരു പ്രക്രിയ പിന്തുടരാൻ ശ്രമിക്കുകയാണെന്ന് വിശദീകരിച്ചു.
ജൂലൈയിൽ സിംബാബ്വെയിൽ നടന്ന ടി20 പരമ്പരയിൽ ഗെയ്ക്വാദ് ഇന്ത്യൻ ടീമിൻ്റെ ഭാഗമായിരുന്നു. രണ്ട് ഗെയിമുകളിലായി 77*, 49 എന്നീ സ്കോറുകൾ അദ്ദേഹം രേഖപ്പെടുത്തി. എന്നിരുന്നാലും പെട്ടെന്ന് തന്നെ താരം ഇന്ത്യൻ ടീമിന് പുറത്തായി. ഇന്ന് ഡർബനിൽ നടക്കുന്ന ആദ്യ ഇന്ത്യ-ദക്ഷിണാഫ്രിക്ക ടി 20 ഐക്ക് മുന്നോടിയായുള്ള വാർത്താ സമ്മേളനത്തിൽ സൂര്യകുമാർ ഗെയ്ക്വാദിനെ പ്രശംസിക്കുകയും ദക്ഷിണാഫ്രിക്ക ടി20 ഐയിലേക്ക് അദ്ദേഹത്തെ തിരഞ്ഞെടുക്കാത്ത തീരുമാനത്തെ പിന്തുണക്കുകയും ചെയ്തു.
“റുതു (രുതുരാജ്) ഒരു മികച്ച കളിക്കാരനാണ്. അവൻ എവിടെ കളിച്ചാലും എല്ലാ ഫോർമാറ്റുകളിലും സ്ഥിരതയാർന്ന പ്രകടനം കാഴ്ചവെക്കുന്നുണ്ട്. ടീം ഒരു പതിവ് കോമ്പിനേഷൻ ആണ് നോക്കുന്നത്. അത് വര്ഷങ്ങളായി തുടരുന്ന ഒരു പ്രക്രിയ ആണ്. അതുകൊണ്ടാണ് ചില മികച്ച പ്രകടനം നടത്തിയ താരങ്ങൾക്ക് അവസരം ഇല്ലാതെ പോകുന്നത്” ഇന്ത്യൻ ക്യാപ്റ്റൻ അഭിപ്രായപ്പെട്ടു.
“അവൻ ചെറുപ്പമാണ്, നന്നായി കളിക്കുന്നുമുണ്ട്. എനിക്ക് തോന്നുന്നു, അവൻ്റെ സമയവും വരും” സൂര്യകുമാർ ഉറപ്പിച്ചു പറഞ്ഞു.
നിലവിൽ ഓസ്ട്രേലിയയ്ക്കെതിരെ ഇന്ത്യ എയെ നയിക്കുകയാണ് ഗെയ്ക്വാദ്.