ഐപിഎലിൽ ഇപ്പോൾ നടക്കുന്ന മത്സരത്തിൽ പഞ്ചാബിനെതിരെ കൊൽക്കത്ത നൈറ്റ് റൈഡേഴ്സിന് 202 റൺസ് വിജയലക്ഷ്യം. പഞ്ചാബിനായി യുവ താരങ്ങളായ പ്രബസിമ്രാന് സിങ് (83) പ്രിയൻഷ് ആര്യ (69) എന്നിവരുടെ ബലത്തിലാണ് ടീം 200 കടന്നത്. ആദ്യ പകുതിയിലെ പ്രധാന ഹൈലൈറ്റ് എന്ന് പറയുന്നത് പ്രബസിമ്രാന്റെ ബാറ്റിംഗ് പ്രകടനമാണ്.
തുടക്കത്തിൽ പതിഞ്ഞ താളത്തിലാണ് പ്രഭ്സിമ്രാൻ ബാറ്റ് ചെയ്തത്. ആദ്യ 32 പന്തിൽ 34 റൺസ് മാത്രമാണ് താരം നേടിയത്. പിന്നാലെ ഗിയർ മാറ്റിയ പ്രഭ്സിമ്രാൻ അടുത്ത 17 പന്തിൽ 49 റൺസെടുത്തു. താരത്തിന് വേണ്ട മികച്ച പിന്തുണ നൽകാൻ പ്രിയൻഷ് ആര്യയ്ക്കും സാധിച്ചു. എന്നാൽ ആരാധകരെ വീണ്ടും നിരാശരാക്കിയിരിക്കുകയാണ് ഓസ്ട്രേലിയൻ താരം ഗ്ലെൻ മാക്സ്വെൽ.
8 പന്തിൽ ഒരു ബൗണ്ടറി അടക്കം 7 റൺസ് നേടി താരം വീണ്ടും ഫ്ലോപ്പായി. ഇത്തവണ മികച്ച സ്ക്വാഡായിട്ട് ഇറങ്ങിയ പഞ്ചാബിന്റെ പ്രധാന തലവേദനയായ താരം അത് മാക്സ്വെല്ലാണ് എന്നാണ് ആരാധകരുടെ വിലയിരുത്തൽ. താരത്തിനെ പുറത്താക്കണം എന്ന് തരത്തിലും ആവശ്യങ്ങൾ ഉയരുന്നുണ്ട്.
ആർസിബിയിൽ നിന്ന് ഇറങ്ങി പഞ്ചാബ് കിങ്സിൽ എത്തിയപ്പോൾ പണ്ടത്തെ തകർപ്പൻ പ്രകടനങ്ങളാണ് താരത്തിന്റെ ഭാഗത്ത് നിന്ന് ആരാധകർ പ്രതീക്ഷിച്ചത്. അടുത്ത മത്സരം മുതൽ അദ്ദേഹം ടീമിനോടൊപ്പം ഉണ്ടാകാനുള്ള സാധ്യത വളരെ കുറവായിരിക്കും എന്നാണ് ഇപ്പോൾ ലഭിക്കുന്ന റിപ്പോട്ടിൽ സൂചിപ്പിക്കുന്നത്.