ലോകകപ്പില്‍ നിന്ന് പാകിസ്ഥാന്‍ പുറത്തായത് ക്രിക്കറ്റ് ലോകത്തെ ഭിന്നിപ്പിച്ചിരിക്കുകയാണ്. ആരാധകരുടെയും വിദഗ്ധരുടെയും പ്രതീക്ഷയ്ക്കൊത്ത് ഉയര്‍ന്ന നിലവാരം പുലര്‍ത്താത്ത നായകന്‍ ബാബര്‍ അസമിന് നേരെയാണ് മിക്കവരും വിരലുകള്‍ ചൂണ്ടുന്നത്. വിമര്‍ശകരില്‍ കുറച്ചുപേര്‍ക്ക് ക്യാപ്റ്റന്‍സി ബാബറിനെ ബാധിക്കുന്നതായി കരുതുന്നു. ഇതിനിടെ പാകിസ്ഥാന്‍ നായകനെ പിന്തുണച്ച് രംഗത്തുവന്നിരിക്കുകയാണ് ഇന്ത്യന്‍ ഇതിഹാസ നായകന്‍ കപില്‍ ദേവ്. ബാബറിനൊപ്പം നില്‍ക്കാന്‍ കപില്‍ ദേവ് ആളുകളെ പ്രേരിപ്പിച്ചു.
ഇന്ന് നിങ്ങള്‍ പറയും ബാബറിന്റെ പ്രകടനം മികച്ചതല്ലെന്ന്. കാരണം നിങ്ങള്‍ നിലവിലെ സാഹചര്യം മാത്രം കാണുന്നുള്ളു. എന്നാല്‍ അതേ ക്യാപ്റ്റന്‍ തന്നെ ആറ് മാസം മുമ്പ് പാകിസ്ഥാനെ ഒന്നാം നമ്പര്‍ ടീമാക്കി. ആരെങ്കിലും പൂജ്യം മായാല്‍, 99% ആളുകളും അവനെ ഡ്രോപ്പ് ചെയ്യൂ എന്ന് പറയും. സെഞ്ച്വറി നേടുന്ന കളിക്കാരനെ പിന്താങ്ങുന്നു, അവനായിരിക്കും അടുത്ത സൂപ്പര്‍സ്റ്റാര്‍- കപില്‍ ദേവ് പറഞ്ഞു.
ലോകകപ്പില്‍ 250 റണ്‍സ് നേടിയ പാക് നായകന്‍ പാക്കിസ്ഥാനുവേണ്ടി ഏറ്റവും കൂടുതല്‍ റണ്‍സ് നേടിയ മൂന്നാമത്തെ താരമാണ്. മൂന്ന് അര്‍ദ്ധ സെഞ്ചുറികള്‍ മാത്രം നേടിയ താരം ടൂര്‍ണമെന്റില്‍ ചൂടും തണുപ്പും വീശി.
പിസിബി മേധാവി സക്കാ അഷ്റഫുമായി ബാബറിന് അത്ര നല്ല ബന്ധമല്ല. അതിനാല്‍തന്നെ താരത്തെ നായകസ്ഥാനത്തുനിന്ന് നീക്കിയേക്കുമെന്ന ചര്‍ച്ചകള്‍ സജീവമാണ്.