വരുന്ന ഏകദിന ലോകകപ്പ് ടൂര്ണമെന്റിലെ അട്ടിമറി ഏതാവണമെന്നു തുറന്നുപറഞ്ഞ് ഇന്ത്യയുടെ മുന് വെടിക്കെട്ട് ഓപ്പണര് വീരേന്ദര് സെവാഗ്. ക്രിക്ക്ബസിന്റെ ഷോയില് സംസാരിക്കുകയായിരുന്നു അദ്ദേഹം. അഫ്ഗാനിസ്ഥാന് പാകിസ്ഥാനെ അട്ടിമറയ്ക്കണമെന്നാണ് സെവാഗ് പറഞ്ഞത്.
ഇത്തവണ ഒരു വമ്പന് അട്ടിമറി ഉണ്ടാവുകയാണെങ്കില് അത് സംഭവിക്കേണ്ടത് പാകിസ്താന് ടീമിനായിരിക്കണം. അവരെ അഫ്ഗാനിസ്താന് പരാജയപ്പെടുത്തുകയാണെങ്കില് അതൊരു വലിയ അട്ടിമറിയായി മാറും.
ഇതു മാത്രമല്ല ഓസ്ട്രേലിയയെ ന്യൂസിലാന്ഡും ഇംഗ്ലണ്ടിനെ സൗത്താഫ്രിക്കയും പരാജയപ്പെടുത്തിയാലും അവയെ നമുക്കു അട്ടിമറികളായി കണക്കാക്കാം. ഈ തരത്തിലുള്ള അപ്രതീക്ഷിത മല്സരഫലങ്ങള് സംഭവിക്കുകയാണെങ്കില് ഈ ലോകകപ്പ് വളരെയധികം ആവേശകരമായി മാറും- സെവാഗ് പറഞ്ഞു.
അതോടൊപ്പം ലോകകപ്പില് പാകിസ്ഥാനെതിരെ ഒരു മല്സരം പോലും ഇന്ത്യ തോറ്റിട്ടില്ലെന്നും ഈ റെക്കോര്ഡ് ഇത്തവണയും നമുക്കു തുടര്ന്നു കൊണ്ടുപോവാന് സാധിക്കട്ടെയെന്നും സെവാഗ് കൂട്ടിച്ചേര്ത്തു.