ഓസ്ട്രേലിയ-ന്യൂസിലന്ഡ് ഏകദിന പരമ്പര മാറ്റിവച്ചു. ന്യൂസിലാന്ഡിലെയും ഓസ്ട്രേലിയയിലെയും കടുത്ത കോവിഡ് നിയന്ത്രണങ്ങള് മൂലമാണ് പരമ്പര മാറ്റിവയ്ക്കേണ്ടി വന്നത്.
ന്യൂസിലന്ഡിലെ കോവിഡ് പ്രോട്ടോക്കോള് പ്രകാരം രാജ്യത്തേക്ക് എത്തുന്നവര് 10 ദിവസം നിരീക്ഷണത്തിലിരിക്കേണ്ടി വരും. ഇതോടെ ഓസ്ട്രേലിയയ്ക്കെതിരായ ഏകദിന പരമ്പരയ്ക്ക് ടെസ്റ്റ് ടീമിലെ താരങ്ങളെ ഒഴിവാക്കി ടീമിനെ അയയ്ക്കാന് ന്യൂസിലാന്ഡ് ബോര്ഡ് ആലോചന തുടങ്ങിയിരുന്നു.
ആദ്യ ഏകദിനത്തിന് വേദിയാകേണ്ട പടിഞ്ഞാറന് ഓസ്ട്രേലിയയിലെ പെര്ത്തിലും കടുത്ത നിയന്ത്രണളാണ് നിലനില്ക്കുന്നത്. ഇതോടെ ഇരു ബോര്ഡുകളും കൂടിയാലോചിച്ച് പരമ്പര മാറ്റിവയ്ക്കാന് തീരുമാനിക്കുകയായിരുന്നു.
മൂന്ന് ഏകദിനങ്ങളും ഒരു ടി20യുമായിരുന്നു പരമ്പരയില് നിശ്ചയിച്ചിരുന്നത്. റോസ് ടെയ്ലറുടെ വിടവാങ്ങല് എന്ന നിലയ്ക്കും പരമ്പര ഏറെ പ്രധാനപ്പെട്ടതായിരുന്നു.