ജോണ്ടി റോഡ്സ്- ഈ പേര് കേൾക്കുമ്പോൾ ക്രിക്കറ്റ് പ്രേമികൾക്ക് ഓര്മ വരുക ത്രസിപ്പിക്കുന്ന വേഗം കൊണ്ട് അതിനേക്കാൾ മനോഹരമായ മെയ്‌വഴക്കം കൊണ്ടും ലോകത്തിലെ ഏറ്റവും മികച്ച ഫീൽഡർ എന്ന പട്ടം ഒരു സംശയവും കൂടാതെ തന്റെ പേരിലാക്കിയ ആ പുലിക്കുട്ടിയുടെ മുഖമാണ്. പല നിർണായക വിജയങ്ങളും ഫീൽഡിങ്ങിലെ മികവും കൊണ്ടും നേടി കൊടുക്കാൻ മുൻ താരത്തിന് സാധിച്ചിട്ടുണ്ട്,. നിലവിൽ ഇന്ത്യൻ പ്രീമിയർ ലീഗ് ടീമായ ലക്നൗവിന്റെ ഫീൽഡിങ് പരിശീലകനാണ് താരം.
ലോകത്തിൽ ഇപ്പോൾ ഉള്ളതിൽ ഏറ്റവും മികച്ച മൂന്ന് ഫീൽഡറുമാരുടെ പേര് പറയാൻ മാധ്യമപ്രവർത്തകൻ ചോദിച്ചപ്പോൾ മുൻ താരം പറഞ്ഞത് ഇങ്ങനെ- ” അങ്ങനെ കുറെ പേരുടെ പേരൊന്നും പറയാൻ പറ്റില്ല. ഒരൊറ്റ പേരെ തോന്നിയിട്ടുള്ളൂ അത് രവീന്ദ്ര ജഡേജയുടേതാണ് ,” അതായിരുന്നു റോഡ്സ് പറഞ്ഞ ഉത്തരം.
ടി20 യുടെ കടന്നുവരവോടെ ഫീൽഡിങ് നിലവാരമൊക്കെ കൂടിയെങ്കിലും ഉന്നത നിലവാരത്തിൽ ഉള്ള ഫീൽഡറുമാർ കുറവാണെന്ന വാദമാണ് മുൻ താരം പറയുന്നത്. പഴയതുപോലെ ക്യാച്ച് എടുക്കുന്നതും, റൺ ഔട്ട് ആക്കുന്നതും മാത്രമല്ല ഫീൽഡിങ് എന്നും ഓരോ റൺസും പ്രധാനപ്പെട്ടത് ആയതിനാൽ അത് തടുക്കുന്നതും പ്രധാനമാണെന്ന അഭിപ്രായമാണ് റോഡ്സ് പറയുന്നത്.
