ഓസ്ട്രേലിയൻ ക്രിക്കറ്റ് താരം വിൽ പുക്കോവ്സ്കി എല്ലാത്തരം ക്രിക്കറ്റുകളിൽ നിന്നും വിരമിക്കൽ പ്രഖ്യാപിച്ചു. പരിക്കിന്റെ പാരമ്പര്യം ഉള്ള താരത്തിന് പതിമൂന്നാം തവണ പരിക്കേറ്റതിന് മാസങ്ങൾക്ക് ശേഷമാണ് അദ്ദേഹം വിരമിക്കൽ പ്രഖ്യാപിച്ചത്. അതിനാൽ തന്നെ ഇനി ഒരു പരിക്കും കൂടി താൻ താങ്ങില്ല എന്ന് പറഞ്ഞ് വിരമിക്കൽ പ്രഖ്യാപിക്കുക ആയിരുന്നു.
SEN റേഡിയോയിൽ സംസാരിക്കവേ, താൻ ഇനി ഒരു തലത്തിലും ക്രിക്കറ്റ് കളിക്കില്ലെന്ന് പുക്കോവ്സ്കി പ്രഖ്യാപിച്ചു. വിദഗ്ധരുടെ ഒരു പാനലിന്റെ ശുപാർശകളെ തുടർന്നാണ് ബാറ്റ്സ്മാൻ തീരുമാനം എടുക്കാൻ നിർബന്ധിതനായതെന്ന് റിപ്പോർട്ടുകൾ പറയുന്നു. “ഒരുപക്ഷേ മെച്ചപ്പെട്ട സാഹചര്യങ്ങളിൽ വന്നിരുന്നെങ്കിൽ എന്ന് ഞാൻ ആഗ്രഹിക്കുന്നു. ഞാൻ ഇനി ക്രിക്കറ്റ് കളിക്കാൻ പോകുന്നില്ല. കഴിയുന്നത്ര ലളിതമായി പറഞ്ഞാൽ വളരെ ബുദ്ധിമുട്ടുള്ള ഒരു വർഷമാണ് ഇത്” പുക്കോവ്സ്കി വിരമിക്കൽ വേളയിൽ പറഞ്ഞു.
36 ഫസ്റ്റ് ക്ലാസ് മത്സരങ്ങളിൽ നിന്ന് ഏഴ് സെഞ്ച്വറികൾ ഉൾപ്പെടെ 45.19 ശരാശരിയിൽ 2,350 റൺസ് പുക്കോവ്സ്കി നേടിയിട്ടുണ്ട്. 2020/21 സീസണിൽ ഇന്ത്യയ്ക്കെതിരെ സിഡ്നിയിൽ നടന്ന തന്റെ ഏക ടെസ്റ്റ് മത്സരത്തിൽ അദ്ദേഹം രണ്ട് ഇന്നിങ്സുകളിൽ ആയി 62 ഉം 10 ഉം റൺസ് നേടി.
ഓസ്ട്രേലിയൻ ക്രിക്കറ്റ് ഏറെ പ്രതീക്ഷയോടെ നോക്കി കണ്ട താരങ്ങളിൽ ഒരാളായിരുന്നു വിൽ പുക്കോവ്സ്കി.